Bru lokir tawh ten Bru lakkir leh turte tana hamthatna ruahman ang pek ve an phut

Tripura Bru Relief Camp 6-a awm mek Bru hote lakkir tuma ruahmanna a kal mek laiin Tripura Camp a\anga rawn kir tawh te chuan heng lakkir leh tura ruahman te tana \anpuina pek tur ang te an dawn ve loh chuan nawrh huaihawt an tum tih an sawi.

Hemi chungchang ah hian Bru Coordination Committee (BCC) Chairman, Elvis Chorkhy chuan Mizoram-a mahni duhthu a kir tawhte leh sawrkarin kir hun a siama kir tawh Bru chhungkaw tam takte aiawhin sawrkar laipuiah he thu hi an thlen fo tawh niin a sawi a. Tuna Relief Camp-a la awmte’n cheng tam tak an dawn laia sawrkar thuawiha lokir tawhte’n tlemte chauh an dawn kha rintir an nih dawn chuan an lungawi dawn lo tih a sawi a. Joint Monitoring Group-ah leh Ministry of Home Affairs-ah pawh he thu hi thlenin an duhdan hi tihpuitlin a nih loh chuan khawtin ah lungawi lohna an lantir tur thu a sawi a ni.

Home Department Additional Secretary, Lalbiakzama chuan Bru chhungkua lokir tawhte chungchang hi sawrkar laipui-ah pawh an thlen sak thu AIR a hrilh a. Sawrkar laipui pawhin a thuphungin rem a ti a, chhawmdawlna hi tuna camp-a la awm leh lokir tawhte pek vek an nih dawn chuan cheng vbc. 500 chuang sen a ngai dawn niin a sawi a. An chhut dan hi sawrkarah an thlen tawh niin a sawi bawk. Bru lakkirna atan hian a hma a sum pek tawh cheng vbc. 20 vel a la awm a, a dang chu tun thla chhung ngei a rawn pek an beisei thu pawh sawiin, chuti chung pawh chuan September ni 30-a lakkir hna zo hman tur chuan hun a bichilh tawh hle a, kawng chhe lutukin harsatna a siam dawn bawk niin a sawi.

Tarlan tawh angin tunhnaia Union Home Minister leh Mizoram leh Tripura Chief Minister-te inhmuhkhawmna ah Bru lakkir hna hi September ni 30 hma a thawh zawh ni se tiin thutlukna siam a ni a. Bru lokir te hi chhungkaw tin cheng nuai 4 an Bank Account-ah kum thum (3) hnu a lak chhuah theih turin dah sak an ni ang a, In sakna atan Rs. 1,50,000/- pek \heuh an nih dawn bakah kum hnih (2) chhung chu chhungkaw tin hnenah thla tin Rs. 5000/- pe in a thlawnin Ration an dawng dawn bawk a ni.