AMFU in MNF SEDP zirhona an nei

Nimin khan Aizawl-a Agriculture Directorate Conference Hall-ah All Mizoram Farmers Union (AMFU) hotute leh MNF hotute chuan Socio-Economic Development Programme (SEDP) zirhona an nei.

AMFU General Hqrs. President, Joseph H. Thanzuala kaihhruai he hunah hian AMFU General Secretary, Zion Lalremruata chuan thuhma sawiin, AMFU chuan kum 20 chuang Mizoram kuthnathawktute dinchhuah nan hma a lo la tawh tih a sawi a. "AMFU chu kuthnathawktu pawl inzawm-khawm a nih angin kawng hrang hrangin sawrkar a thawhpui \hin a. Kuthnathawktute dinchhuahna tur kan thlir reng a, tun \umah pawh hian MNF in SEDP-in duan hi a chinchhuak deuh hlekin kan hre duh a ni," a ti.

He zirhona sawihawnna neiin MNF Vice President, Dr. R. Lalthangliana chuan, SEDP duangchhuak tur hian MNF chuan ngaihtuahna a seng nasa hle tih a sawi a. "India ram mai ni lovin khawvel tukverh a dakin he policy hi duan a ni a. He policy hmang hian Zoram dinchhuah tir ngei kan tum a ni," a ti. Dr. Thangtea chuan, kum 10 lai MNF a lo sawrkar tawh tih sawiin, "Kan sawrkar hmasak ah khan hetiang policy \ha hi kan la duang chhuak lova, mipui hnenah ngaihdam pawh kan dil a ni. Kan sawrkar khan thil \ha tam tak kan ti a, chutih laiin kawng \henkhatah ar khawthim daia kalna chin kan nei, zep thu a awm lo. Pathian leh mipui zarah kan hma mai inthlanah hian kan sawrkar leh a nih chuan, kuthnathawktute an dinchhuah ngei theihna turin SEDP hmang hian hma kan la dawn a ni," a ti bawk.