anduai vanga thleng tih sawi

Kumin June ni 25, 2018-a Haulawng daia naupang pathum (3) tuikhuah-a an tlakhlum thu-ah Lunglei Police te chuan he thihna thleng hi tu te emaw fimkhur loh vang emaw, inthlahdah vang emawa thleng ni lovin vanduai vang liau liau nia a lan thu Mizoram State Commission for Protection of Child Rights-ah report a thehlut.

Mizo-ram State Commission for Protection of Child Rights chuan June ni 25-a Haulawng khuaa Centre of Excellence for Fruit chhunga Green House chawmna tura siam tuikhuah-a naupang pathum an tlak hlum thuah naupang pawisawi lo leh mahnia la inveng thiamlo te thihna thleng chu a ngaimawh hle tih sawiin, naupang pathum thihna thleng chu tute emaw fimkhur loh vang emaw, inthlahdah vang emawa thleng a ni em tih rang taka chhuichiang tur leh report thehlut thuai turin Lunglei Police Station Officer-in-Charge chu June ni 29, 2018 khan a hriattir a ni.

Mizoram State Commission for Protection of Child Rights-a Report a thehluh ah Lunglei Police Station OC, Inspr. HS Lalmuan-puia chuan naupang pathumte vanduaina tawh dan an chhui dan leh thil thlen dan kimchang chipchiar takin a tarlang a, naupang pathum thihna kaihhnawihah mi tute emaw fimkhur loh leh inthlah-dah vanga thil thleng engmah hmuh a ni lo tih a tarlang a ni. Mizoram State Commission for Protection of Child Rights, Chairperson, Sangzuali Vanchhawng chuan Police te hmalak dan chu lung-awithlak a tih thu leh lawmawm a tih thu a sawi.