Mi tlawmngai ten kawng hnawh

Serchhip Tuikhuah Veng-a NH. 54 kawng tlahniam chu nimin zing khan mi tlawmngai ten an sum sengin a hnawh mam hna an thawk.
Serchhip IOC Veng-a cheng, C. Lawmzuala leh New Serchhip Venglai-a cheng, Laihmingthanga te \hiandun chuan anmahni sum thawha JCB hire-in helai lei tlahniam hnawhmam hna hi an thawk a, heng mite sawi danin Serchhip khawpui chhung laili laia kawng tlahniam chu sawrkar, PWD (Highway) lamin siam\hat tumin hmanrua te chhawp tawh mah se tun thlenga an la siam loh avang leh helai kawng ah hian nitin mipui kal vel leh School naupang kal, lirthei leh ke-a kal an awm reng avangin an sum hmanga khawl hmangin hetiang hian hma an la ta tih an sawi a. He kawng hnawhmam na’n hian a bula PWD (Highway) in GSB an chhawp tawh chu hmangin lirthei te chi tan pawh kal awlsam tawh tura ngaih a ni.
Tarlan tawh \hin angin June thla chawhma lama Serchhip leh Mizoram chhunga ruah tam tham tak sur-ah khan June 11, 2018 vel a\ang khan tunhma lam a\anga lei lo tlahniam tawh \hin, Serchhip Tuikhuah Veng-a National Highway-54 chu a tlahniam leh a, he lei tlahniam avang hian a bula In 2, chhungkaw 5 te luah chu a In luahtute pawh hian an chhuahsan nghe nghe a, ruah sur a ziaawm hnuah pawh tun thleng hian lei hi ala tlahniam nia ngaih a ni a, tunah hian lei tlahniam hi Ft. 5 vel zet a ni tawh a ni.
Helai kawng tlahniam hi Serchhip East Block MNF chuan hnatlang in an lo siam\ha tawh nghe nghe a, amaherawh chu ruahtui a tlak reng avang leh lei hi ala che zui zel nia a lan avangin tunhnaiah lirthei chi hrang hrang mai bakah ke-a kal te tan pawh kal a harsa hle a, lirthei te chi phei chu a hnuai a hrut nasa \hin hle a ni.

Popular News

PAN CARD an tih teh fo hi - Laldinpuia

Hmeichhia te hmasawnna tura hmalakna chungchang thlirho.

anduai vanga thleng tih sawi