Weighbridge dah vek a nih theih nan hmalak rel

Serchhip Sub-Hqrs. YMA chuan nizan hmasa khan Sub-Hqrs. Executive Committee (SEC) \hutkhawm neiin Mizoram-a Supply Kudam tinah Weighbridge a awm theih nana hma la turin Central YMA-ah thlen nise an ti.

Serchhip Sub-Hqrs. YMA Office Meeting Room-a SEC \hutkhawm hian tunhnaia mipui ten Ration buhfai leh eirawngbawlna Gas te a buk tling leh a man an pek an ngei an lak theihna tura hma an lakna chu chhunzawm zel nise an ti a. Buhfai chung-chang bikah sawrkar thuneitute pawh biain, a \ul anga hmalak nise, Kudam a\anga buk tling ngeia buhfai pekchhuah a nih theihna turin Supply Kudam hrang hrangah Weighbridge a awm theihna turin hmalak nise an ti a. Eirawngbawlna Gas chungchangah Branch tin ten anmahni Area \heuha Gas semna ah a semtute chu buk tirin, a buk tlinglo, Kg. 29 aia zang a awm chuan Legal Metrology Inspector te koh nise, sem zui a nih dawn chuan a man siamrem ngeia sem a nih theih nan hmalak nise an ti bawk.

Hei bakah hian Serchhip-a ruahsur nasa avanga vanduaina tawk te \anpuina tura Town chhunga Branch YMA ten vehbur an khawn a\anga sum hmuh, Rs. 2,08,800/- chu tunkar Inrinni zing khian Town chhunga vanduaina tawk chhung-kaw 12 te hnenah semchhuah nise an ti bawk.