MLPC zirchianna sawihona neih a ni

Nimin khan MLPC Study Group buatsaihin Aizawl-a Assembly Annexe Conference Hall-ah Mizoram Liqour Prohibition Council in Mizoram a Zu khuahkhirhna Dan hman mek, MLPC Act a zirchianna report chungchang huapzau zawka sawihona hun neih a ni.

Nimin a MLPC Act zirchianna report sawihona neihah hian Study Group Convener, Dominic Lalhmangaiha chuan kum 2 chhunga zirchianna an neih dan sawiin, Principal Investigator Dr. Laldinliana Varte in MLPC Study Group ten-a an zirchian dan kimchang report a pe a, hemi hnu hian sawihona neih a ni bawk. Study Group Report-ah hian Zu zawrh vanga benefit hi cheng 1 ni ta se, zu zawrh vanga pawisa sen chu Rs. 2.85 ang a chhut a ni tih tarlan a ni a. Social Cost hi India ram state dang leh ramdangah pawh a sang viau a. MLTP Act hmanga zu khap hunlai pawh khan zu a awm reng tho avang leh, Zu in an awm reng tho avangin Social Cost hi a awm reng a, benefit erawh a beitham hle tih zirchianna an neih a\ang hian tarlan a ni bawk.

MLPC Study Group hian MLPC Act 2014-in Socio-Economic lama kan ram a nghawng dan a zirbing a. He Act hman a nih hmalamah Zu-in kan nun, a bik takin hriselna (Health) lam a nghawng dan zirchianna fumfe engmah a awm loh avangin he report-a lang zawng zawng hi MLPC nghawng chhuah a tih ngawt theih loh tih tarlan ani bawk a. MLPC Act hman a nih a\angin kum 2 a liam awrh a ni a, Zu \an leh \anlo zawnga thu han keuh tlukna atan he bu chhunga thu awmte hi hman diak diak theih pawh a ni kher lo tih zirchiangtute hian an sawi bawk.

Kum 2016 leh 2017 inkar chhungin Zu warehouse leh a zawrh chhuahna a\anga sawrkarin hlawkna a hmuh chu Rs. 23,52,46,451/- a ni a, Value Added Tax a\angin Aizawl North, Central leh South Treasury ah sum Rs. 12,45,42,239/- hmuh a ni bawk a, Exise Duty-ah Apirl 2016 a\anga March 2017 thlengin Rs. 4,91,42,682/- hmuh anih thu zirchhianna report chuan a tarlang bawk.

MLPC Study Group hian an zirchian dan tlangpui ah chuan Zu avanga kan chhiatpuina lam ai mahin kan nitin nunna a nghawng dan a hlutna (value) ang zawngin an chhut tih an sawi a, MLPC Study Group te hian zirchianna an neih danah hian Zu leitu leh intu, dan leh thupek kengkawhtu te, Kohhran hrang hrang a\ang te, Damdawi In hrang hrang a\anga zu avanga harsatna thleng te leh kan khawtlanga nunphung a khawihdanglam dante a ni hlawm a. Heng an zirchianna a\anga MLPC Study Group tena Sawrkara thurawn an pek a\anga alan dan chuan Zu avanga kan hlawkna leh tawrhna hi (1:2.85) a nih miau avangin kan tawrhna titlem tura Zu khap bur rawt chu thil awm lo tak niin a lang lo a. Total Prohibition kalpui a nih dawn erawh chuan sawrkar a in commit hle a ngai ang, an ti bawk.