Chakma Autonomous District Council (CADC) inenkawlna chungchang Larsap hovin sawiho a ni

Mizoram Governor, Kummanam Rajasekharan kaihhruaina hnuaiah nimin khan Chakma Autonomous District Council (CADC) chungchang Meeting chu Aizawl-a Raj Bhavan-ah neih a ni a. He meeting-ah hian Chief Minister, Lal Thanhawla bakah CADC member-te leh Mizoram sawrkar aiawhte an tel a ni.

He Meeting-ah hian Mizoram Larsap, Kummanam Rajasekharan chuan sawrkar hnathawk an nih angin mipuite hmasawnna tura an thawh zel a pawimawhtih sawiin, thutlukna an siamah pawh mawh an phurh ngamin, langtlang taka hna an thawh a pawimawh tih he huna tel te chu a chah a. Mipui tana sum an hman te chuan awmzia an nei tur a ni tih sawiin, tihsual a thianglo tih a sawi a, Council aiawha tel te chu midangte aia an Council danglam bikna chu zawng chhuaka, chung danglam biknate chu remchannaa hmangin, Council tana sum hnar a chan tir dan tur ngaihtuah turin a chah a. Inkalpawhna leh inbiakpawhna lamah harsatna nei mahse inrelbawlna mumal tak awm se a duh thu a sawi bawk.
He hunah hian Chief Minister, Lal Thanhawla pawhin sawrkarna an siam apianga Autonomous District Council pathumte inrelbawlnaa an inrawlh ngai loh thu sawiin, India Danpui hnuaia Sixth Schedule anga mahnia inrelbawl tura thuneihna an hlan \hin thu a sawi a. Anni aia Council mamawh leh harsatna hrechiang tur an awmlo tih sawiin, Autonomous District Council-ten zalen taka an inrelbawl chu \ha a tih thu leh thuneihna pawh a tam thei ang ber hlan an ni tih sawiin, budget allocation pawh tihpun a nih thu leh Council-te sum hman dan viltu thuneitu (authority) din sawrkar chuan ngai nia a hriat chang nei mah se vawiin thlenga an sum hman dana sawrkar a inrawlh loh thu a sawi a ni.
Chief Minister chuan zalen taka thuneihna an hlan chuanga sum hman dik lohna a awm chu pawi a tih thu sawiin, CADC hruaitu tharte chu Central leh State sawrkar a\anga sum an hmuh te chu renchem taka hmang a, a hmanna tur dik taka hmang turin a chah bawk.
He meeting-ah hian tunhnaia CAG Report te, sum enkawl dan chungchangte, CADC hnena sum release dante, hmasawnna ruhrel kaihhnawih harsatna te, hnathawh mekte vil dan turte leh inrel-bawlna mumal neih dan turte sawiho a ni.

Comments

Popular posts from this blog

PAN CARD an tih teh fo hi - Laldinpuia