Kolasib-ah Zilla Sainik Board dincham lawm

Kolasib-a Zilla Sainik Board chuan Inrinni khan an Rising Day vawi 8-na an hmang a, he hun hi bialtu MLA leh MIFCO Chairman, PC. Zoram Sangliana chuan khuallian niin a hmanpui.
Kolasib Sainik Board dincham lawmna ah hian PC. Zoram Sangliana chuan, “India ram himna a tan sipaite hi mi pawimawh berte an ni a, Mizo sipai-a \ang mek bakah a bâng tawhte pawh Mizo te tihming\hatu an ni a, India ram zau takah Mizoram chu dinhmun zahawm taka hlangkaitu an ni,” a ti a. Sipai-a \ang mekte leh a bâng tawhte chu Central bakah Mizoram sawrkar pawhin a hre reng tih sawiin, an mamawh leh harsatnate chu inthlahrung hauh lova thlen \hin turin a chah bawk.
He hun hmanpuitu, Brig. SS. Mohite, Dy. Commandant & Chief Instructor, CIJWS, Vairengte chuan sipai a Mizoram quota (vacancy) hnawhkhah a ni ngai lo chu pawi a tih thu a sawi a. Sipai bângte chu ram tan mai bakah taksa hriselna leh mahni invawn leh inthunun nan sipaia tan hlawkzia chu Mizo thalaite hnenah tlangaupui turin a sawm bawk.
He hunah hian sipai bansan ta kum 80 chung lam mi 10 hnenah chawimawina hlan a ni a, World War-II veteran mi 3 bakah World War-II Veteran widows mi 27 hnenah CIJWS, Vairengte chuan Rs. 2000/- \heuh leh sipai tanlaia ropuina ram kai ta te ralna ‘Assured Deceased Last Rite Scheme’ hnuaiah martar 6 te ralna Rs. 10,000/- \heuh an hlan bawk.

Popular posts from this blog

PAN CARD an tih teh fo hi - Laldinpuia