Mizoram-a a vawikhatna atan IIT-JEE & NEET Online Coaching Scholarship exam neih a ni

Mizoram Youth Commission (MYC) buatsaihin Mizoram-a a vawikhatna turin IIT-JEE & NEET Online Coaching Scholarship exam neih a ni.

IIT-JEE & NEET Online Coaching Scholarship exam hi Govt. Mizo HSS, Aizawl-ah leh Govt. HSS, Lunglei-ah te July ni 14, 2018 khan ALS Online Scholarship Exam hi neih a ni a, he Scholarship hi Pawl 11 (Science) zirlai naupang 926 in an exam a,Aizawl Centre Govt. Mizo HSS-ah naupang 764 in an exam a, Lunglei Centre-ah naupang exam 62 an awm a ni. He Online Coaching Scholarship Exam hi Alternative Learning System-in buatsaihin, hei hi OMR sheet ah zirlaiten an chhang a, heta inziak tlingte hian pawl 11 leh 12 an zir chhung zawngin Coaching hi an kal dawn a. He scholarship hi zirlai 300 hnenah pek a ni ang.

Online Coaching Class atan hian ALS Online Live Session hi MYC Coaching Centre, Dinthar-ah July 12, 2018 tlai khan neih a ni tawh a. He hun hi MYC in ALS Online Coaching class an kalpui dan tur chungchanga HSS Science lecturer te hriat tur \ul leh thil pawimawh in hrilhhriatna hun atan hmangin Lecturer kalkhawmte hi an zirlai naupangte an zirtir chhawn leh tur thil tangkai tam tak zirtir leh hrilhhriat an ni bawk. He inzirtirna hun hi Alternative Learning System (ALS), New Delhi a\angin Satellite hmanga kah niin, LIVE interaction hlawhtling tak kalpui a ni. Online Live Session Aizawl a neih rual hian Lunglei-a MYC Coaching Centre-ah neih ve nghal a ni bawk. 

Mizoram Youth Commission chuan IIT-JEE & NEET in ziah tlin a harsat tawh zia hriain, Mizo naupang ten Pawl 12 an pass chhuah hnu a Coaching an kal hian an tih\hat tawk \hin loh avangin Institution \ha an chang thei \hin lo a, hemi avang hian Mizo ten Institution \ha tak hnuaia mithiam \hahnem tak chherchhuah an nih theih nan, Pawl 11 Science zir mek ten IIT-JEE & NEET atan an inbuatsaih \an theih nan ALS Satellite Education chu an thawhpui a ni.