Mizoram Khawpui Fai Inelna 2018 hawng

UD&PA Minister, Zodintluanga chuan nimin khan a Office Chamber-ah ‘Mizoram Khawpui Fai Inelna 2018’ a hawng a, he inelnaah hian nikum ang bawk khan District Headquarters leh Other Urban Towns belh-khawmin khaw 23 an inel leh dawn a ni.

‘Mizoram Khawpui Fai Inelna 2018’ hawnna hunah hian UD&PA Minister chuan Mizoramin faina kawngah hmasawn tur chuan sawrkar leh mipui ten thawhhona \ha an neih a ngai a, Aizawl-ah chuan AMC awm tak chinah chuan nasa takin khawpui chhung tihfaina lamah UD&PA Department hna a chhawk ve thei ta chu a lawmawm hle a ni, a ti a. Faina kawngah hmalakna thar a awm zel a, heng hi mipuiin an thlawp \hat a pawimawh a; tun a\anga reilote ah bawlhhlawh \awih thei leh \awih theilo te pawh a paih dan tur dik tak, a hrana paih dan tur mipuite zirtir zel chungin tih \an a ni tawh dawn tih a sawi bawk a. Aizawl leh District khawpui lamah te bawlhhlawh paihna hmun ‘Dumping Ground’ changtlung zawk leh hrisel zawka bawlhhlawh sawngbawl dan tur sawrkarin a ngaihtuah mek bawk a ni, a ti bawk.

He hun kaihruaitu UD&PA Secretary, Dr. C. Vanlalaramsanga pawhin ‘Mizoram Cleanliness Competion’ hi nikumah a hmasa ber atan neih a ni tih sawiin, nikum September a\anga kumin September thla chhung hi ‘Cleanliness Year’ ah puangin, he inelna hi nikum ang bawk khan September thla ni 1-20 chhungin endik hna thawh tum a ni a. Nikuma Mizoram-a khaw fai bera puan Biate chuan ‘Best City in Innovation & Best Practices NE Zone 2018’ lawmman an lak thu a sawi bawk.

UD&PA Dy. Director, C.Laltleipuii chuan ‘Mizoram Khawpui Fai Inelna 2018’ chungchanga hi sawifiahin, he Inelna chungchang hrechiang duh tan hi UD&PA official website www.udpamizoramnic.in ah a guidelines leh hriat tur thil pawimawh dangte chu dah a ni bawk a ni tih a sawi.

Mizoram Khawpui Fai Inelna-ah hian ranking mumal taka siam a ni a, kum khat a liam hnua inelna neih leh hma chu he faina ranking hi a ding reng dawn a, khawpui fai-te ranking a ni reng dawn a ni. Kumtin he inelna neih \hin tura ruahman hi, a kum leha India ram pumpui khaw fai inelna ‘Swachh Suvekshan’ neih \hin atana Mizoram khawpuite inruahmanna \ha tak a nih pawh beisei a ni a. Hei mai bakah Mizoram mipuite, a bikin khawpuia chengte, faina lama hma an sawn zel theihna atan leh an lo changkan zel theihna atana rah \ha a chhuah ngei Mizoram sawrkar chuan a beisei a ni.

Sawrkar thuchhuah tarlan danin India rampumah faina kawngah hian nasa taka hmalak niin India rama khawpuite faina-a inelna, ‘Swachh Suvekshan’ te pawh kalpui a ni a, kum 2017-ah Aizawl khawpui chu ‘Fastest Moving State in Himalayan Region’-a thlan a ni bawk.