MZP in House-a Resolution pass vangin lawmthu sawi

Mizo Zirlai Pawl (MZP) General Hqrs. chuan Mizoram State Legislative Assembly hnuhnung ber neih zawh taka 'The Citizenship Amendment Bill 2106' duhlohna Resolution pass a ni chu lawmawm an tih thu an sawi.

Nimin a thuchhuah an siamah MZP General Hqrs. chuan 'The Citizenship Amendment Bill 2016' hi tunlai India ramin a buaipui ber pakhat niin he Bill hian India khua leh tui zawng zawng a nghawng avangin ngun zawk a kan ngaihtuah a \ul thu a sawi a. 'The Citizenship Amendment Bill 2016' hi pawm a nih chuan Afganistan, Bangladesh leh Pakistan a\anga India-a lo lut heng- Hindu, Sikh, Buddhist, Jain, Parsis emaw Christian emaw te chu tunhma anga mana, Jail a khung a thawn haw tur ni tawh lovin, kum 6 chhung India a lo awm tawh an nih chuan India khua leh tui nihna pek tawh zawk tur an ni tih tarlangin, “Sakhaw behchhana Citizen nihna tur bill a ni a. Hei hi Mizoram tan a himlo lehzual a ni,” an ti a. Mizoram-ah pawh NGO Coordination kaihhruaina hnuaiah All Political Party leh All NGO ang pawhin duhlohnan lantirna neih a lo ni tawh a, hemi chungchangah pawh hian Memorandum inang tlang thehluh a ni tawh nghe nghe a. Hetianga The Citizenship Amendment Bill 2106 duhlohna Assembly House-ah hial pass a lo ni ta chu thinlung takin lawmthu an sawi tih an tarlang bawk.