Friday, 13 July 2018

Skill Development Training-a kal te hnenah Certificate semchhuak

Serchhip-a UD&PA Department chuan nimin khan DAY-NULM hnuaia Skill Development Training chhuak te hnenah Certificate an hlan.
Serchhip-a Urban Development & Poverty Alleviation Department hian an Department hnuaia National Urban Livelihood Mission (DAY-NULM) kalpui mek hnuaia Skill Training kal te hnena Certificate hlanna hun hi DUDO Office Chamber-ah buatsaihin, he hun ah hian District Urban Development Officer, Vanthangpuii chuan Certificate te hi a hlan a, heng Certificate dawngtute hi Street Vendor (Food & Beverage) training chhuak te niin heng mite hi training pe-a an zirchhuah hnuah Assessment (Exam) neih tir leh an ni a, heta Assessment paltlang te hnenah hian Certificate hi hlan a ni.
He Course-ah hian eitur tih thianghlim dan te, changkang leh changtlung zawka mipui hmaa an thil zawrh phochhuah dan te zirtir an ni a. He Course zirtir tur, Training Providers atan Eternity Partners, Aizawl te thawhpui niin an ni hian heng Street Vendor te hi Training an pe a ni. He Course zirchhuaka Certificate nei te hi an Certificate hian an eizawnna hun kal zelah a puih dawn piah lamah hna zawnna kawngah a pui dawn a. Hei bakah hian he Certificate hian Certified Vendors an ni tih a entir bawk a ni.

Latest News

NACO hotu ten Mizoram rawn tlawh mek

Chawlhkar khat chhunga Mizoram District pathum – Aizawl, Lunglei leh Kolasib District-te tlawh kual tura rawn zin National AIDS Control Or...