Sangha test zui rihlo; Test Kit dang chah

Health & Family Welfare Department hnuaia Food & Drug (F&D) hotute chuan Mizoram a Sangha lakluh ah dan phalloh-a vawn\hatna, Formalin a awm leh awm loh an test chhunzawm rihlo niin an sawi a, hetihlai hian hmun leh hmuna test chilh a, a result hmuh theih nghalna Rapid Testing Kit an chah mek chu alo thleng \ep niin an sawi.

Rapid Testing kit hi Guwahati-a awm Zenith India Limited a\angin an lo chah tawh a. Tunah hian Test kit hian Guwahati a thleng tawh niin F&D hotute chuan an sawi a. Guwahati-a chah nimahse Zenith India Ltd. te hian hmundanga mi an chah veleh chhawn avangin hun a duh rei tih sawiin F&D hotute chuan, “State dangte pawhin an chah a, Meghalaya chuan an dawng tawh a, Mizoram-ah pawh tunkar chho ah chuan a lo thlen theih mai kan ring,” an ti a. Tunah hian Sangha te hi test tur pawhin rawn thleng thar a awm rihlo niin an sawi bawk.

Rapid testing kit hi 2 chah niin pakhat hi vawi 100 test theihna tur a ni a, pakhat man hi Rs. 25,693/- a ni a. A lo thlen hunah chuan Bazar-ah kalin Test chilh a ni anga, hmun leh hmunah result a hriat theih nghal dawn a ni. State lian dangte pawhin hetiang hi an hman tlangpui thu leh Laboratory a test chuan hun a duh rei thu F&D chuan an sawi a. Rapid Testing kit hi mamawh dan azir leh District dang ami tur te nen chah belh zel turin F&D chuan ruahmanna an siam a ni.