Serchhip District chhunga Para Legal Volunteer te tan an hnathawh dan tur zirhona neih a ni

Serchhip District Legal Services Authority (SDLSA) buatsaihin nimin khan Serchhip District chhunga Para Legal Volunteer (PLV) te tan an hnathawh dan tur leh mipuite nen thawhhona \ha an neih dan tur chungchang zirhona chu Serchhip-ah neih a ni.

Serchhip District Court Conference Hall-a he Workshop buatsaih hi Mizoram State Legal Services Authority-a Member Secretary, Vanlalenmawia MJA chuan kaihruaiin Serchhip District Legal Services Authority-a Member Secretary, Lalngaihmawia Zote MJS chuan Serchhip District chhunga Legal Services Authority te hmalak dan tlangpui a tarlang a. Kumin chhungin hmun hrang hrang 9-ah Legal Awareness Campaign an neih tawh thu leh kumin chhungin Lok Adalat \hutkhawm \um thum neiin heng ah hian thubuai 38 chinfel a nih tawh thu a sawi a, heng thubuai 38 an chinfel ah hian Rs. 33,10,733/- ah inremna siam a nih thu sawiin, Serchhip District chhunga hmun hrang hrang 9-ah Legal Aid Clinic hawn a nih thu a sawi bawk. Heng bakah hian vanduaina tawk te tana \anpuina pek theihna, Mizoram Victim of Crime Compensation Scheme-2013 kaltlangin vanduaina tawk mi 11 te hnenah zangnadawmna Rs. 19,20,000/- pek a nih tawh thu leh tun thla chhungin dilna lut 8 ngaihtuah leh a nih dawn thu a sawi a, kumin chhungin thubuai nei mi 47, mipa 36 leh hmeichhia 11 te hnenah a thlawnin Ukil an rawih sak tawh thu a sawi bawk.

Nimin a he Workshop-ah hian Sylvie Z. Ralte MJS, Kolasib DLSA chuan PLV te nihphung leh an hnathawh dan hrang hrangte kalkhawmte chu a zirtir a, Johny L. Tochhawng, Advocate chuan Social Media in kan khawtlang nun a nghawng dan leh \angkai zawka Social Media hman a nih theih dan tur te zirtirin Vanlalrema Vantawl, Member, Mizoram Journalists Association chuan Cyber Crime tih thupui hmanga zirtirna pein tunlai thiamna chhuakthar zel leh a kaihhnawih avanga thubuai awm theih dan leh heng laka fimkhur a \ul zia te a zirtir bawk a ni.

Serchhip District chhungah hian Para-Legal Volunteer hi mi 22 an awm mek a, heng mite hian khawtlang mipui zingah Dan leh hrai zirtir ngaite zirtirin Office dawr dan te, Court-a thubuai thehlut duh leh Court dawr duhte kawng hrang hrangin an \anpui \hin a ni.