Tlabung-a Airtel Tower khar sak tum

Tlabung-a Mobile Communication leh Internet hmanga inbiakpawh harsat vanga mipuiten harsatna an tawh \hin chungchang leh a sutkian dan tur sawihoin nimin khan Tlabung YMA Rún ah Tlabung khawtlang hruaitute an \hukhawm. Tun thla ni 7 ralhmaa Airtel-in Tlabung-ah 4G an pechhuak lo a nih chuan tiamchin awm lova an Tower khar an rel.

Tlabung-a VC leh NGO hrang hrang hruaitute chuan, Tlabung-ah Mobile Network a mumal loh avang leh Internet a chhiat reng avangin mipuiten harsatna tam tak an tawk \hin nia sawiin, "Mi tam tak eizawnna thlengin a nghawng phah a ni," an ti a; mipuiten thla tam tak daih tur Prepaid Recharge pack an thun \hin a, Network mumal loh vanga an hman theih loh fo avanga a thlàwna sum an sènral belhkhawm chu a tam tham hle niin an sawi a. Network \ha zawk an neih theih nan Signal pechhuaktu company hotute dàwr \hin mah se awmzia a neilo nia sawiin, "An Tower khàrsaka an kháwl tihtâwp vek bak hmalak ngaihna dang kan hre tawh lo," an ti a. Thuchhuah in\awm siam nghalin, Airtel thuneitute chu Tlabung-a 4G pechhuak turin tun thla ni 7 thleng hun an pe a, an huntiam a ral hnuah a hlawhtlin loh chuan tiamchin awm loa Airtel tower khar zui nghal an tum thu an tarlang a. Network dang pechhuaktu Company dangte pawh a \ul angin na zawka nawr chhoh zel an rel bawk.