E.Roll ennawn tur chungchang sawiho

Serchhip District chhunga Electoral Roll Special Summary Revision neih tur atana inbuatsaihna leh hmalak dan tur sawihona chu nimin khan Serchhip District Election Officer, Sangchhin Chinzah hovin a Pisa-ah neih a ni.
Tun thla ni 31 a\anga Electoral Roll Special Summary Revision neih tur chungchang sawihona ah hian District Bawrhsap, Sangchhin Chinzah chuan kumin hi MLA inthlanpui neih kum a nih thu sawiin, Inthlanna thianghlim, fel fai leh kum 18 tling chin khua leh tui zawng zawngten vote an thlak ngei theih nan theihtawpa hmalak a ni dawn tih a sawi a. Chumi atana inbuatsaihna pawimawh berte zinga mi Special Summary Revision, kumin atana a thawh hnihna kalpui a ni leh dawn tih sawiin, Dan in min phut anga engkim kalpui a nih theih nan, thawktute, tlawmngai pawl leh Party hrang hrang hruaitute an pawimawh thu a sawi bawk.
Tun \uma Electoral Roll Special Summary Revision neih tur atan hian tun thla ni 31 khian Draft Roll tarchhuah a ni dawn a, hemi Ni a\anga August 21 thlengin Hming siam\hat, paih leh belh bakah awmna hmun sawn duh te tan dilna thehluh theih a ni dawn a, heng dilna te hi enfiaha siam\hat ngai te siam\hat a nih hnuah Electoral Roll thar chu September 27, 2018-ah tarchhuah a ni anga. Nimin a Meeting-ah hian 26/9 Serchhip-III Polling Station, Govt. Modern Middle School chu hman a nih tawh loh bakah a building a chhiat tawh avangin Chhim Veng Govt. Chhim Veng Primary School-ah sawn nise tiin an rel bawk.

Comments

Popular posts from this blog

PAN CARD an tih teh fo hi - Laldinpuia