Artificial Grass phah zawh hun tur ala hla niin a lang

Serchhip Hmar Veng Sports Complex-ah Artificial Grass phah hna chu thawh mek ni mah se hna zawhfel hun tur erawh ala hla deuha rin a ni.

Serchhip Hmar Veng-a Sports Complex-a Football Ground siam mek hi Inrinni khan kan Palai chuan tlawhin hnathawh meka hmasawnna awm te a en a. Tunhnaia Serchhip District Sports Committee hruaitu ten an tlawh hnu hian Ground-a Silica Sand phah hna chu zawhfel ni tawhin tunah hian Rubber nawi phah hna thawh leh mek a ni a, tunhnaia ruahsur nasa avangin a hnuai lama Silica Sand an phah hi ala ro loh avangin duh anga hna an thawh chak theihloh thu helai hmuna thawktute chuan an sawi a. Inrinni khan helai hmun ah hian hnathawk mi 8 vel chiah awmin heng mite chiah hian Rubber nawi phah hna hi an thawh avangin hna pawh a sawt lo hle niin a lang.

Hetihlai hian Football Ground sir-a Running Event tih theihna tur hmun siam turah erawh hmalakna thar a awm rih lemlo niin a lang thung a, kumin kumtir lamah hmun \henkhat an laih rual leh Boulder tlem azawng an chhawp bak hmasawnna hmuh tur ala awmlo a, tunah hian helai hmun ah hian thawktu pawh hmuh tur an awmlo a, hnathawhna hmanrua (khawl) te pawh chhawp a awmlo bawk.

Field sir-a mipui \hutna tur, Gallery chung zar turah hmun \henkhat ah a structure siam hna thawh \an ni tawhin hnathawh tharlam tak erawh a awmlo niin a lang a, Inrinni- a helai hmun tlawh a nih lai hi chuan thawktu hmuh tur an awmlo a, he hna pawh hi zawhfel hun ala hla rih deuhin a rinawm bawk a. Bungraw pawh chhawplawk a awm lo bawk.

Serchhip Sports Complex panna kawng, Leisang Veng hnuai lama leimin in thla kaltaa a hnawh chu siam\hat leh thenfai ala ni lo bawk a, hei vang hian lirthei kaltlang theih ala ni lo a, Leisang Veng lam a\ang erawh chuan lirthei hi kaltlang theih a ni mek thung.