Congress in NLUP sawiho

Serchhip Block Congress Committee chuan nimin khan Lalpuithanga Hall, Serchhip Chhim Veng-ah \hutkhawm neiin NLUP kalpui mek chungchang a sawiho.
Serchhip Block Congress Committee \hutkhawm hi an President, PC. Vanlalsawma chuan kaihruaiin NLUP dawng tur thlan dan tur chungchang an ngaihtuah a. NLUP dawng tur hi Serchhip Bial-ah mi 400 niin heng zinga 310 chu Serchhip leh New Serchhip huamchhung ami thlan tura tih a ni a, nimin a \hukhawm hian NLUP dawng tur hi VC area tinah thlan nise, a dawng tur zat chu VC-I leh II-ah 35 ve ve, VC-III ah 20, VC -IV ah 15, VC-V leh VI-ah 20 ve ve, VC-VII ah 40, VC-VIII, New Serchhip South leh New Serchhip North-ah 35 \heuh nise an ti a ni.
Serchhip Block Congress Committee \hutkhawm ah hian an President, PC. Vanlal-sawma leh hruaitu dang ten fuihna thu sawiin, thusawitu te chuan Congress hunah mirethei hnen thleng phak NLUP sum sem te, In sak \anpuina leh rangva sem te chu MNF sawrkar hun laiin a awm ve ngai lo nia sawiin, MNF hun laia MIP leh BAFFACOS in mipui hnen a thlen phak mang loh thu te, Mizoram Assembly inthlanpui lo awm leh turah Congress party huang chhunga inlung-rualna a awm chuan tlin leh lohna chhan tur a awm loh thu te sawiin, Assembly \hutkhawm hnuhnung berah sawrkar dinglai beihna liantham a awm lo te chu lawmawm an tih thu an sawi bawk.

Popular News

PAN CARD an tih teh fo hi - Laldinpuia

Hmeichhia te hmasawnna tura hmalakna chungchang thlirho.

anduai vanga thleng tih sawi