Buk diklo buhfai man

Serchhip-a Legal Metrology Inspector leh a thawhpui te chuan Inrinni khan Serchhip-ah dan lova buhfai zawrh tam tham tak an man.
Serchhip District Consumers Association te chuan tunhnai ah khan dawr a\anga buhfai an lei ah Kg. 50 bag anga inziak si, Kg. 37 vel chiah a chhunga awm te a\angin complain an dawng a, hemi chung-chang hi Legal Metrology Enforcement Staff te hriattir nghal an ni a. Hemi chungchang hi uluk taka enzuia chhui anih hnuah Inrinni khan 407 Truck pakhat hmanga Mizoram pawn a\anga Serchhip-a buhfai rawn zawrh chu enfiah niin heng buhfai an zawrh ah hian a bag pawn lamah Kg. 50 awmna a inziak si, Kg. 50 awm tling silo \hahnem tak alo awm a, hei hi Packaged Commodities Dan kalh a nih avangin Legal Metrology Enforcement Staff te hian an man ta a ni.
Heng buhfai te hi a vaiin bag 60 niin a zuartu, Aftab Uddin Barbhuiya (27), Bagha leh a phurhna Motor chu man nghal niin thubuai siam sak an ni a, he buhfai rawn zuartu hian buhfai hi Silchar lam mi, Mona ta nia sawiin, a hnuaiah hian an rawn inzawrh hlawh niin a sawi bawk.
Hemi hnu Inrinni tlai khan Serchhip Bazar a Consumers Cooperative Society dawr-a buh-fai zawrh tura rawn phurh chu enfiah leh nghal niin hetah pawh hian Packaged Commodities Dan bawhchhiaa rawn lakluh buhfai bag engemaw zat hmuh leh a ni bawk a, heng buhfai rawn kengtu hi Maru Gopal Paul niin he Motor khalhtu, Sebul Hussain Lasker nen man nghal an ni a, he Motor ah hian buhfai bag 100 vel zet an rawn phur bawk a, Vawiin ah enfiah a ni ang.
Serchhip-a Legal Metrology Inspector, Johny Zonunmawia chuan hetianga Dan kalha buhfai zuar hi Mizoram-ah \hahnem tak an awm thu sawiin, Aizawl lama an hotute pawh hriattirin a hremna chungchang ah pawh an thu ngaihchan a nih dawn thu a sawi bawk. Heng buhfai an man te hi a him theihna turin Serchhip Police te venhimna hnuaiah dah nghal a ni bawk.

Popular posts from this blog

PAN CARD an tih teh fo hi - Laldinpuia