Naupiang leh Mitthi chhinchhiah zat

Mizoram-ah tunhnai kum 10 (2007-2016) chhungin nau piang chhinchhiah 2,45,269 an awm laiin, mitthi chhinchhiah 59,200 an awm a, kum 2013 a\anga nau piang zat a tlakhniam laiin, kum 2014 a\angin kum 1-a mitthi awm zat a pung thung.

Tunhnai a tlangzarh Statistical Abstract Mizoram, 2017 a tarlan a nih danin, kum 2007-2016 chhunga mitthi chhinchhiah 59,200 zinga mi 22,396 te chu hmeichhia niin, mipa 36,894 an awm a, kum 2014 a\angin kum 1 chhunga mitthi awm zat chu chawhrualin 300 velin a pung a ni.

Hetihlai hian tunhnai kum 10 chhunga mitthi awm tam ber kum erawh 2012 kha niin, hemi kum hian mitthi 6,503 zet an awm bawk a. Kum 2014-ah mithi 6,444 an awm a, kum 2015-ah 6,440 leh kum 2016-ah 6,422 an awm a. Kum 2014-2016 chhungin mitthi chhinchhiah 19,306 zinga 12,242 te chu mipa niin, 7,064 te chu hmeichhia an ni. Report-a tarlan a nih danin, Mizoram-a mitthi chhinchhiah ah hian hmeichhia aiin mipa an tam a, kum 2007-2016 chhunga mithi chhinchhiah a hmeichhia aia mipa tamna chu 14,498 a tling a, tunhnai kum 2014-2016 inkar chhunga mitthi chhinchhiah ah pawh hmeichhia aia mipa tamna chu 5,178 a tling a ni.

Kum 2007-2016 inkar chhunga mitthi chhinchhiah 59,200 an awm lai hian hemi hun chhung vek hian nau piang chhinchhiah 2,45,269 an awm a, kum 2007 a\anga kum 1 chhunga nau piang an pun chhoh zel laiin, kum 2013 a\angin kum 1 chhunga nau piang chhinchhiah zat a tlahniam thung a, hemi hun chhunga nau piang tam ber 2012-ah 26,042 nau piang chhinchhiah an awm laiin, kum 2016-ah chuan 22,497-ah a tlahniam tawh a, kum 2013 a\angin chawhrualin kum 1 chhung a nau piang tlak hniamna zat hi 1,000 vel a tling. Kum 2007-2016 chhunga nau piang chhinchhiah zawng zawng 2,45,269 zinga nau piang 1,25,302 te chu mipa an ni a, nau piang 1,19,967 te chu hmeichhia an ni. Nau piang zingah hmeichhia aia mipa tam zawkna chu 5,335 a tling bawk.