MNF in an sawrkar veleh New Education Policy duansa an kalpui dawn tih an sawi

MNF Party chuan Pathian leh mipui zara sawrkar-na a siam veleh New Education Policy duan sa an kalpui dawn tih an sawi.
MNF Party General Hqrs. a OB te chuan Ningani khan Aizawl-a Mizo Hnam Run-ah Meeting neiin MNF sawrkar-in Higher Secondary School 9 te Lumpsum Grant-In-Aid dinhmuna a dah, kum 9 a ralhnu pawha Congress sawrkar-in dinhmun sanga a dah thei lo chu pawi an tih thu sawiin, hun rei tak School khar a ni chu pawi an tih thu an sawi a. Heng Lumpsum Grant-In-Aid School te bakah Adhoc Aided School engemaw zatte hi sawrkar-in dinhmun sang zawkah dah rawh se tia Resolution pass in, Higher Secondary School leh College-a admission harsa em em mai pawh pawi an tih thu an sawi a. He harsatna sutkian dan zawng vat tura sawrkar phutin, Congress sawrkar in a lak CSS Hindi zirtirtu mi 1305 te ban an ni leh si te, SSA hnuaia Zirtirtuten MNF sawrkar hunlaiin hlawh mumal takin thla tin an lak \hin laia Congress sawrkarah thla li (4) te, thla nga (5) te hlawh an la thei lo reng mai leh Post Graduate zirlai sang (1000) chuangin Post Graduate Scholarship tun thlenga an la la thei lo te chu pawi an tih thu an sawi bawk.
MNF OB Meeting chuan an sawrkar lai khan zirna kawnga hmasawn nan Mizoram Education Act passed a nih thu pawh sawiin, he Act hnuaia Rules \ha tak takte Congress sawrkar-in a hmang \angkai duh tlatlo chu zirna ngaihthahna dik tak a ni tih an sawi a. Pathian leh mipui zara MNF in sawrkar-na a siam veleh New Education Policy duan sa a kalpui dawn tih pawh sawiin, Education Policy thar hmangin zirna kawnga hmasawnna nasa tak thlen turin ruahmanna duanfel a ni tawh tih an sawi bawk.
Hei bakah hiahn MNF OB Meeting chuan Mizoram hmun hrang hranga Sawhthing chingtuten hralhna hre lova an dah\awih mek chu pawi an ti takzet tih sawiin, MNF-in sawrkar-na a siam hunah chuan Socio Economic Development Project (SEDP) hmangin, Sawhthing chingtute tan awmze nei takin hmalak a ni dawn tih an sawi a. Ramchhung mai ni lovin rampawn thlengin a hralhna tur rate \ha tak ngaihtuah a ni ang a. Sawhthing chingtute'n an thlai chinah chhiatna/vanduaina an tawh palhin Crop Insurance \ha tak tihsak an ni dawn a. Rate \ha taka Sawhthing chingtute'n an hralh theih nan sawrkar-in Price Support a pe dawn bawk tih an sawi bawk.

Popular News

PAN CARD an tih teh fo hi - Laldinpuia

Hmeichhia te hmasawnna tura hmalakna chungchang thlirho.

anduai vanga thleng tih sawi