Zirna siam\ha turin Primary school-ah \an tum

ZPM Southern Hqrs-a Women Cell President, Lalrinpuii chuan ZPM a sawrkar chuan zirna siam\ha turin Primary School a\anga bul\an a nih tur thu a sawi.

Nimin a Aizawl Press Club-a thuthar thehdarhtute a kawmna ah Lalrinpuii chuan, ram hruaituten mipui rilru an tichhe nasa nia sawiin, hemi siam\ha tur hian hruaitu \hain ram an kaihhruai a ngai a ni, a ti a. ZPM thil tum, kalphung thar chu \ha a tih vanga zawm ve ta a nih thu leh kalphung thar chuan Mizoram hi a siam\hat ngei a rin thu sawiin, chumi atan chuan tih ve theih a neih ngei beisei chunga ZPM zawm a ni tih a sawi bawk. Zawhna chhangin Public Relations Officer, Krupanidhi Group of Institutions, Bangalore bansana ZPM zawmtu Lalrinpuii chuan Lunglei East ding tura sawm a ni tih sawiin, he bial-a din ngei a tum thu a sawi a. “India ram pawn thlengin University aiawhin ka zinchhuak \hin a, rualawh a na duh hle a, sawrkar laipui a\anga Scholarship leh zirlaite \anpuina tur sum tam tak awmte kan sawrkar hian a la ve lova, ST/SC Scholarship pawh dil theih 150 chuang awm zinga 50 bak Mizo zirlaite hian dil nachang kan la hre lo a, Zoram zirna hmasawnna tur hian ngaihtuahna ka theih ang tawk tawkin ka seng nasa a, tunah chuan political platform a\angin ka buaipui ve dawn a ni, a ti bawk.

He hunah hian Baptist Church of Mizoram (BCM) President hlui, Revd. Dr. Thanzauva pawhin zawhna chhangin Lunglei South bial-a ding tura a inbuatsaih thu a sawi a. “Politics hi ka zirbing a ni a, politics hi ka thiam ve viau a, mahse politics chhunga thil han tihkual vel erawh kan thiam ve loh zawng a ni, mahse tun hun hi Mizoram tana ‘change’ hun a nih avangin a politic dawhsan a\angin ka bei ve dawn a, dan leh dun in min dang a nih loh chuan a tawp thlengin ka \ang ang,” a ti bawk.