Lenkawl

District Child Protection Unit (DCPU) hnuaia Serchhip khawpui chhunga Village Level Child ProtectionUnit te tan an hmalak dan tur an hnathawh dan tur zirhona chu nimin khan Serchhip DC’s Conference Hall-ah neih a ni a, District Bawrhsap, Sangchhin Chinzah chuan khuallian niin a hmanpui a ni.

Art & Culture Department leh North East Zone Cultural Centre, Dimapur te \angkawp buat-saih 'Discover North East Mizoram 2017' chu nimin khan Kei\um Playground-ah hman leh a ni a, BSF, Dawngzawl-a Deputy Commandant, Lalrinchhana Pachuau chuan khuallian nia he hun hi hmanpuiin India rama Hnam hrang hrang ten inpumkhatna \ha an neih theihna tura hetiang hun buatsaih a ni leh Kei\um khua ah ngei hetiang hun pawimawh nghah a ni chu lawmawm a tih thu sawiin, he programme hi a hawng a ni. He hunah hian State pawh a\anga Cultural Troupe rawn kal te bakah Kei\um a\angin Cultural Club, Branch YMA leh Presbyterian English School ten Hnam lam an entir a, mipui \hahnem tak an tel bawk. He Programme hi Vawiin hian Chhiahtlang-a Govt. Middle School Field, Chanmari-ah chhunzawm leh a ni ang.

Serchhip District Superintendent of Police chuan tunhnai khan Serchhip-ah Auto Rickshaw Stand siam belh a nih thu thuchhuah siamin a tarlang a. SP thuchhuah chuan New Serchhip College Peng-a Lalziki In a\anga R. Zakapa In thleng, meter 30-a thui chu Auto Rickshaw Stand atan ruat a nih thu leh Serchhip P&E Veng-a J. Romandinga In kawt, Marian High School peng a\anga hmarlam meter 30 chu Auto Rickshaw Stand atan siam a nih thu a tarlang a. Heng thu-pek siam thar te hian a hmaa thupek lo awm tawh te chu a thlak thu leh thupek dang a awm leh hma zawng chu hman tur a nih thu a tarlang bawk.

Serchhip-a Legal Metrology Enforcement Staff ten tunhnaia Serchhip-a Motor Parts leh Electronics leh Electrical parts zawrhna dawr hrang hrang an enfiahna ah dawr 25 zinga dawr 23 ah te Maximum Retail Price (MRP) diklo taka hman a ni tih hmuhchhuah a ni.

Nimin a\ang khan rampumah Electoral Roll Special Drive neih \an a ni a. He Special Drive pual hian Serchhip District chhunga BLO te pawhin an bial chhung \heuha ruahmanna awm sa angin hma an la dawn a ni.

MNF Party chuan Chief Minister, Lal Thanhawla chu chhechham meuha Mizo mipui leh Election Commission of India bumtu ah puhin, MLA a\anga a ban an phut thu an sawi.

Mizoram Pradesh Congress Committee (MPCC) Media Department chuan Election Commission ofIndia-a an President, Chief Minister hekna chu Dan hnuaiah thu tlinglo niin an sawi a. An President, Lal Thanhawla’n Kolkatta-a ram a neih dan chu an sawifiah bawk.

Naupangte Ni, 'Children's Day' chu nimin khan ramchhung hmun hrang hrangah hman a ni a, Serchhip-ah pawh District Child Protection Unit (DCPU) huaihawtin he Ni hi urhsun taka hman a ni.

Ni 4 chhunga Serchhip District-a Discover North East-Mizoram, 2017 hman tur chu nimin khan Govt. Serchhip College Basketball Court-ah neih \an a ni a, he hun hi Serchhip District Superintendent of Police, Lalringdika chuan khuallian nia hmanpuiin Hnam Lam chi hrang hrang entir a ni.

Mizoram Legislative Assembly Session chu nimin khan Aizawl-a Assembly House-ah neih \an a nia. MNF chuan Affidavit diklo hmangtu Chief Minister, Lal Thanhawla chu Assembly House-a \hu tlakah an ngaihloh thu sawiin, Chief Minister in Assembly House a pan tur chu an lo dang a. Hei hi Congress chuan mawilo an tih thu an sawi.

Serchhip Sub-Hqrs. YMA hnuaia Education & Youth Affairs Committee hmalakna in nimin khan Chhingchhip-a St. Peters School-ah Education Campaign chu neih chhunzawm leh a ni a, he Campaign-ah hian Dr. Lalrintluanga Sailo, Asst. Prof., Govt. Serchhip College leh Lalnunmawii Varte, SDPO te chuan Civil Service hrang hranga \halaite luh theih dan tur kawng te zirlaite hnenah an zirtir a. He hun hi Serchhip DEO, Lawmawma leh Vanlalchhunga, Coordinator, RUSA bakah Kawl\huama, Vice President, Sub-Hqrs. YMA te pawhin an hmanpui a ni.

Nimin khan rampumah National Achievement Survey neih a ni a, he Survey hi Mizoram-ah pawh neih niin Serchhip-ah pawh DIET buatsaihin National Achievement Survey hi neih a ni.

Pathianni zan inkhawm hlan khan Serchhip Dinthar Veng-a Upa T. Lalrawngbawla In-ah misual lutru in pawisafai Rs. 60,000/- vel rukchhuah a ni a, he In rawktu nia hriat hi Police te chuan an umzui mek.

Mizoram Larsap, Lt. Gen (Rtd) Nirbhay Sharma chuan Mizoram Public Service Commission (MPSC) Chairman atan Rev. Zosangliana Colney a ruat a, member thar atan PHE Department Secretary ni lai, V. Remthanga, IAS a ruat bawk. Hemi chungchang hriattirna hi nimin khan sorkar chuan a chhuah a, MPSC Chairman, PC. Lawmkunga a chhuah hnuah member Rev Zosangliana Colney hian Chairman hna lo chelh lailawkin, Chairman atana dah nghehna order sorkar chuan a ti chhuak ta a, member thar atan V. Lalremthanga pawh a dah nghal bawk a ni.

ZNP President, Lalduhoma chuan midang, an rilru alo tihnat tawh te chungah ngaihdam dilin, a bikinMNF leh Congress hruaitute leh an mipuite hnena ngaihdam dilin, Zoram mipuite pawh ngaihdam a \ulna apianga ngaidam turin a ngen.

Ni thum chhung awh tur Mizoram Legislative Assembly Session chu Vawiin hian neih \an a ni dawn ta.

India leh Myanmar insumdawn tawnna tur KMMTTP kawngpui laih mek chu chhunzawm mek zel a ni a, he hna thawh mekah hian hnathawh tur zatve aia tam thawh tawh a ni.

Ministry of Human Resource Development (MHRD) bultumin Inrinni khan Serchhip District-a Class-VIII zirlaite tan National Means-cum-Merit Scholarship (NMMS) Exam chu neih a ni.

PRISM hruaitute chuan MLA inthlanpui lo awm tur atan an inpeih tawh thu an sawi a. Chief Minister, Lal Thanhawla bial telin Bial 27 vel la thei tura an inngaih thu leh a aia tam zawk la thei tura hma an lak thu an sawi.

Mizoram University Vice Chancellor atan sorkar laipui chuan Professor KRS Sambasiva Rao chu a rawn ruat thar ta. Mizoram University in hun engemaw chen Vice Chancellor nghet a neihloh avanga zirlai ten lungawilohna an lantir hnuah leh sorkar leh tlawmngai pawl bakah zirlai pawl te pawhin sorkar laipui hnena thu thlena hma an lak hnuah Zirtawpni khan sorkar laipui-a Ministry of Human Resource Development chuan Vice Chancellor thar ruatna hi a tichhuak a ni. MZU VC thar tur, Prof. Krothapalli Raja Surya Sambasiva Rao hian kum 2014 October a\ang khan Acharya Nagarjuna University-ah Rector hna chelhin, kum 2015 April a\anga August thleng khan he University-ah vek hian Vice Chancellor hna alo chelh tawh bawk, amah hi Biotechnology Department Professor leh Chairman a ni.

MNF |halai, Mizo National Youth Front (MNYF) buatsaihin Inrinni khan Serchhip-ah 'Vangpui Feh-chhuah' hun hman a ni a, he hun hi MNYF President, Er. Lalrinawma, MLA leh Dr. K. Beichhua, MLA ten an rawn hmanpuiin zaithiam te nen Serchhip Bazar-ah hun hman a ni.

MNF |halaite chuan Zuangtui Kudam-a buhfai ei tlak loh, mipuite hnena semchhuah loh tura hnawl (reject) nia an sawi buhfai Ip \hahnem tak, West Phaileng Kudam-a dah tura Motor (Truck)-a hlan chu an nangching tih an sawi.

Bye Bye Malaria Foundation hmanga khawvela Malaria a bo theih nana hmalatu, Stuart Spani-a chuan Mizoram-ah Malaria vanga thihna a tlem chho telh telh niin a sawi.

Nimin khan MJA General Hqrs. chuan Ai-zawl-ah Executive Committee Meeting neiin MJA Member dilna hrang hrang lut zingah MJA Member atan mi 8 lakluh an remti a. Heng zingah hian Serchhip District a\angin Liantluanga Renthlei, Editor Vantawng (Thenzawl) leh R. Lalhminghlua, Editor Hrangturzo (North Van-laiphai) te chu an tel a ni.

Serchhip AOC Veng-a School Education Complex Building sak thar chu nimin khan Chief Minister,Lal Thanhawla chuan a hawng a. He Building sak thar lawmna hi P&E Veng YMA Hall-ah neih chhunzawm niin Chief Minister chuan Zirtirtute chu kawng engkim ah Zirlaite tan ‘Role Model’ nih tum turin a chah.

Chief Minister, Lal Thanhawla leh NITI Aayog Vice Chairman, Dr. Rajiv Kumar te chu nimin tlai khan Aizawl-a Chief Minister Bangla ah inkawmin hemi hnu hian Minister te leh sorkar mi pawimawhte Chief Minister's Conference Hall-ah an kawm nghal bawk.

Pathianni zan thimhlim khan Serchhip Ram-thlun Veng-a chenna In pahnih-a misual tu tih hriatloh lutin pawisafai a ruk sak a, hemi chungchang hi Serchhip Police ten ngawrh takin an chhui zui mek a ni.

Serchhip-a mi tlawmngai \henkhat te sum leh pai thawhkhawm a\anga lei, Serchhip damdawi In-a inzaina atana hman tur Monitor thar chu nimin khan damdawi In thuneitute kutah hlan a ni.

MLPC Act vangin kumin ah thubuai ziahluh a pung nasa Serchhip Police te chuan nimin khan Superintendent of Police, Lalringdika hovin a Office-ah kumin kum kal meka thubuai hrang hrang ziahluh dan thlirin Crime Review Meeting an nei a. He huna tarlan a nih danin nikum aiin kumin ah thubuai ziahluh nasa taka pungin hei hi MLPC Act hnuaia thubuai ziahluh nasa taka a pun vang niin a lang.

Nimin, November thlaa Chawlhni hmasa ber kha Mizoram Presbyterian Kohhran leh Baptist Church of Mizoram (BCM) te chuan 'Khawvel Sunday School Ni' atan an hmang a, he Ni pual hian a bika hun hman a ni.

UPC (NEI) chuan November thla Chawlhni hmasa ber chu 'Orphanage Sunday'-ah hmangin he Ni hi Serchhip-ah pawh urhsun taka hman a ni.

Kumin a Central Kristian |halai Pawl Rorel Inkhawm in 'Zu/ruihhlo leh a kaihhnawih, Mipat hmeichhiatna hman khawloh leh HIV/AIDS darh zel tur ven nan Central K|P in Awareness neih ni rawh se' tia a lo rel angin hemi pual hian Inrinni khan Serchhip-ah lirthei ke hnih nei hmanga kawngzawh neih a ni.

Mizorama politics kalphung siam\ha tur leh MLA Inthlanpui lo awm tura mipui nghah leh beisei ang sorkar din tumin 'PRISM Party' din a ni.

Zoram People’s Movement (ZPM) Steering Committee Serchhip buatsaihin Inrinni khan SerchhipBazar-ah ZPM beihpui thlakna, Operation November khuhhawnna leh ZPM Serchhip hruaitu thar te hlanna hun hman a ni a. He hun hi Aizawl lam a\ang pawhin ZPM hruaitu rual \hahnem takin an rawn hmanpui a ni. Zoram People’s Movement (ZPM) Steering Committee Serchhip in Serchhip khawpui chhung Veng hrang hranga ZPM Local Body din tura beihpui thlakna 'OPERATION NOVEMBER' khuhhawnna leh Serchhip ZPM hruaitu thar hlanna Vantlang inkhawm (Public Meeting) an buatsaih hi ZPM Serchhip Steering Committee Chairman, V. Rozamliana chuan kaihruaiin he hunah hian ZPM Serchhip-a Secretary, Kapliana Pachuau chuan inhmelhriattirna leh an hmalak tawh dan te a tarlang a. Kum 2018 MLA General Election lo awm tura Serchhip, Tuikum leh Hrangturzo Constituency-ah te ZPM in hnehna chang ngei tura hmalak an tum thu a sawi a ni. Hemi hnu hian ZPM General Hqrs. Chairman, Upa Lalliansawta chuan inlawmna thu sawiin,

Mizoram sorkar-a FCS&CA Department chuan November thla atan Mizoram-a eirawng-bawlna Gas man tur bithliah thar lehin Mizoram chhungah Vairengte tih khawdang zawngah Domestic Gas bur khat man chu Rs. 862/- a ni anga, bur khat zelah hian subsidy Rs. 371.54 pek tur a ni ang. Home delivery a nih chuan Rate bituk bakah Rs. 7.53 in a pung anga, showroom a hralh a nih chuan Rs 18 paih tur a ni ang. Hetih-lai hian Kg. 19-a rit Commercial Cylinder chu bur khat zelah Rs. 1537.50 a ni dawn thung a ni. Commercial Cylinder-ah hian Subsidy pek a ni ve lo thung a ni.

Nimin khan AH & Vety Department Ser-chhip buatsaihin State Vety Dispensary Serchhip-ah Vawk tana Rulhut hlo pek beihpuit-hlakna Ni hmn a ni a, Vawk \hahnem tak Rulhut hlo pek an ni.

Tun Pathianni zing-a kangmei vanga chenna In chan, Lalchawimawia te chenna In chu nimin khan luah theih tura peihfel a ni ta.

Serchhip Sub-Hqrs. YMA Coordination Committee \hutkhawm chu nimin khan neih a ni.

Mizo Carbon Pvt. Ltd. in diklo taka Central Transport Subsidy sum tam tham tak a la \hin nia sawi chu CBI chhuitir turin Gauhati High Court, Mizoram Bench chuan nimin khan thupek a chhuah.

Chief Minister, Lal Thanhawla chuan Zofate Duhlian \awng hmanga inbe thei deuh vek kan ni chu kan vanneihna a nih thu a sawi.

PHE Serchhip WATSAN Division hmalakna in nimin khan Buangpui khua ah pawnler-a inthiar awmlohna khuaa an inpuanna chhawmnung zel tura inzirtirna hun hman a ni a, he hun hi PHE Serchhip WATSAN Division-a Sr. EE, Er. F. Lalsanglura chuan a hmanpui a, chhungkaw tin te hnenah Bawlhhlawh bawm sem nghal a ni bawk.

Pathianni kalta-a kangmei vanga In leh an bungrua chantu, Lalchawimawia te chenna tur In sak hnatlang chu nimin khan chhunzawm leh a ni a, he hnatlang ah hian mi 100 dawn thawkin Presbyterian English School zirlaite pawh thingpui lumin an thawkchhuak leh a. Nimin a hnatlang a thawkchhuak te hian In hi a chung an chih zawh bakah a bang pawh an bel zo a, a chhuat phah  pawh zawhfel a ni a, tukverh vuah leh Inchhung lam tihfel chiah hmabak a awm tawh a ni. He In sak hi peihfel thawkhat a nih avangin Vawiin lam hi chuan khawtlang huap hnatlang neih a ni tawh lo ang.

Niminpiah tlai a\ang khan Serchhip Bazar leh a chhehvel chawmtu Tuizemdum kawn-a Four Pole Transformer-a 250kV chu a chhia a, hemi tlai a\ang hian siam\hat tumin thawktu ten bei mah se siam\hat theih a ni lova, nimin thleng khan a chhiatna lai hi zawn ni mah se nizan-a he thu buatsaih lai thleng hian hriatchhuah ala ni lo a. Hei vang hian nizan hmasa a\ang khan Serchhip Bazar leh a chhehvel ten Power Supply an la hmu mumal theilo a ni.

Serchhip District Volleyball Championship chu Inrinni khan khelh zawh a ni.

Nikum 2016 chhung khan Mizoram-ah naupiang 22,497 an awm a, mitthi 6422 an awm bawk a. Kum 2016 hi kum 10 kalta chhunga Mizoram-a naupiang an tlem ber kum a ni.

Kei\um Branch YMA chuan Zirtawpni khan an khawchhunga vanduaina tawk, V. Lalnghinglova chhungte chu hnatlang in Buh an sengpui a, he hnatlang ah hian mi 70 vel thawkchhuakin an Buh seng tur ang ang chu an seng zawh sak vek a ni. Tarlan tawh angin kar kalta Thawhlehni khan V. Lalnginglova hi buh seng turin a riaklut a, a tuk-a a fanu feh chuan an vau-ah thi in a zuk hmu a, hetianga buh an seng zui theih tak loh avang leh seng a hun tawh si avangin YMA te hian hnatlang neiin Buh hi an seng pui ta a ni. Hetihlai hian Kei-\um Branch YMA chuan Tuichang Lui an hum-halh huamchhungah Sangha te pawh kumin hian him takin an fuan tawh tih an sawi bawk a, heng Sangha te hi \ha taka an fuan theih nan YMA Member te luidung-ah an duty bawk a ni.

Baptist Church of Mizoram (BCM) chuan nimin Pathianni hmang khan Mizoram chhung hmun hrang hrang 14-ah a rualin Area Baptist Council (ABC) Inkhawmpui an nei a, Ser-chhip ABC inkhawmpui pawh BCM Rawpui Biak In-ah neih a ni.

Nikhat awh Mizoram Veteran Table Tennis Tournament chu Inrinni khan New Serchhip Indoor Stadium-ah neih a ni a, kum 40 chin chunglam Table Tennis khel \hin ten intihsiakna an nei a ni.

Nimin Oct. 29, 2017 tuk\huan eikham, dar 8:30 vel khan Serchhip Chanmari Veng-ah chenna In pakhat chu bungrua engmah chuh hman lohin a kangral.

Delhi Mizo Zirlai Pawl (DMZP) leh Central Young Mizo Association (CYMA) buatsaihin Inrinni tlai khan New Delhi-a Mizoram House, Vasant Vihar-ah ‘Nation-Wide Demonstration against Illegal Immigration in India’ neih a ni a, he Demonstration hi Mizoram-ah leh India ram khawpui hrang hrangah pawh thlawpna lantir a ni.

PRISM chuan Mizoram-a Zu khuahkhirhna Dan chu ennawn ngai hlea an hriat thu an sawi.

Serchhip khawpui chhunga eirawngbawlna Gas harsatna thleng mek sutkian dan tur chu nimin tlai khan sawihona neih a ni a, he sawihona a tel te hian eirawngbawlna Gas phur tur hian Truck pakhat lak belh a nih theih nan hmalak nise an ti.

Election Commission of India in ruahmanna a siam anga zirlai naupangte tana National Quiz neih dan tur chungchang chu nimin khan Bawrhsap mawhphurhna la mektu Addl. DC, Chuauhnuna hovin a Office-ah sawiho a ni.

 UPC (NEI) Aizawl East District Mission Department Conference vawi 24-na chu nizan a\ang khan UPC Biak Inpui, Serchhip-ah neih \an a ni a, naktuk Pathianni zan thleng a awh ang.

Mzoram Lt. Gen. (Rtd) Nirbhay Sharma chuan mihring ten leilungin min dâwl theih chin ang zela \han chhoh kan zir a ngai a ni, a ti.

Mizoram sorkarin Mizoram Institute of Medical Education & Research (MIMER) din tura theihtawp chhuah mekin, Medical College atana mamawh zawng zawng sorkarin a tifel vek tawh tih Chief Minister, Lal Thanhawla chuan a sawi.

Serchhip District Volleyball Championship khelh mek chu Vawiin chawhma dar 9:30 a\ang hian Semi Final khelh a ni dawn a. Hmeichhia in khel hmasa berin Friends Club, New Serchhip leh Biakmuana Memorial VC te intuminThen-zawl VC leh Vengchung VC an intum anga. Mipa ah Chhim Veng VC leh Thenzawl VC intumin Hlute-i VC leh Thentlang G&SA an intum ang. Under-19 ah Friends Club Vs Hlute VC intumin Darnam VC leh Hriangtlang VC an intum bawk ang.

Zanin tlai a\ang hian Serchhip Bazar a\anga Ramthlun Veng panna kawng chu zan lamah lirthei tan One-Way-ah puan a ni.

Zoram Entu Pawl (ZEP) buatsaihin nimin khan Serchhip-a rualbanlo chhungte tan rualbanlo te enkawl dan leh anmahni chhawmdawl theihna tura hmalak dan tur hrang hrang zirhona neih \an a ni a, Vawiin ah chhunzawm lehin zawhfel a ni ang.

District Child Protection Unit (DCPU) Serchhip buatsaihin nimin khan Govt. High School Serchhip-a zirlai naupang kum 10 a\anga kum 16 chin te tan an theihna leh thiamna te haichhuahna hun, Talent Hunt buatsaih a ni.

Union Minister of State (Independent Charge) for Housing and Urban Affairs, Hardeep Singh Puri chuan nimin khan Mizoram sorkar-a UD&PA Minister, Zodintluanga hnenah Ministry of Housing & Urban Affairs hnuaia Mission/Scheme hrang hrang thawh chhunzawmna tur cheng Vbc. 22.89 sanction Order a hlan.

Krismas leh kumthar vuakvet lo thleng turah halpuah leh silai lem, a mu kapchhuak thei (a kah na) chi lakluh, zawrh leh hman reng reng khap a ni leh dawn.

District Hospital thar sak thuai kan va mamawh tawh em!

Mizoram sorkar Information & Public Relations Department bultumin Vawiin a\ang hian Mizoram District hrang hranga thuthar theh-darhtute chuan Press Tour an nei \an dawn a. Press Tour hi thawh li (4)-a neih tura ruahman niin a hmasa ber ten Vawiin hian Aizawl chhuah-sanin Uttarakhand an pan dawn a. Vawiin a zin turte zingah hian Serchhip a\angin Lalremruata Ralte, Editor Ramlai Arsi chu telin thla thar ni 1 khian Mizoram rawn thleng leh hman tura beisei an ni a. A thawh hnihna chu thla thar ni 16 vel khian an kal leh dawn a ni.

Serchhip-a PWD chuan Serchhip khawpui chhunga inkalpawhna kawng te siam\hat hna tunlai hian an thawk mek a, |hal chhungin a theih anga tam siam\hat hman an tum thu an sawi.

Khawpui fai ber neih tuma Mizoram sorkar hmalakna, Swachh Survekshan 2018 Roadmap chu nimin khan Urban Development & Poverty Alleviation (UD&PA) Minister, Zodintluanga'n a pisa-ah a tlangzarh.

Mizo Zirlai Pawl (MZP) chuan nimin khan Aizawl-a Electric Veng YMA Hall-ah Assembly neiin hruaitu thlanna an nei a, MZP Gen. Hqrs. President thar atan L. Ramdinliana Ren-thlei chu thlan a ni.

MNF President, Zoramthanga chuan Congress chu bukin a awm a, a tling zo ta lo a, an hun a tawp ta niin a sawi.

Presbyterian Serchhip Bazar Branch K|P te chuan nimin khan JN Hospital Serchhip Blood Bank-a dah turin thisen Unit 26 an pe.

Serchhip District Volleyball Association buatsaih Serchhip District Volleyball Championship chu nimin khan Vengchung Volleyball Court-ah khelh \an a ni a, Serchhip Sub-Hqrs. YMA President, R. Sanghmingthanga chuan khuallian niin a hawng a ni.

All Mizoram Village Council Association (AMVCA) chuan Mizoram-ah Village Council te chu kaihhruaina siam a ni chungin kum 25 ral hnu, tun thlengin VC thuneihna leh mawhphurhna sang pek a la ni lo tih an sawi a. Hei vang hian Mizoram-a VC te Chhiah (Tax) a lakkhawm ve \hin pawh kum khatah cheng nuai 30 pawh a tling theilo tih an sawi.

Nimin khan Agriculture Department Conference Hall, Serchhip-ah Department of Agriculture (Crop Husbandary) Aizawl leh District Agriculture Office, Serchhip \angkawp buatsaihin Serchhip District-a NEDP Purunsen ching turte tan Training buatsaih a ni.

Serchhip Zoram Peoples’ Movement (ZPM) Steering Commiteee chu nimin khan \hu-khawmin thla thar, November 2017 chhungin Serchhip khawpui chhung Veng hrang hrangah Operation November neih nise an ti.

Falkawn-a State Referral Hospital hotuten Mizoram Institute of Medical Education and Research  (MIMER) din tura hmalakna ah thil tihfel ngai zinga zaa 99 vel zawhfel a ni tawh tih an sawi a. Medical Council of India hotuten lo endik pawh nise, an pawmpui theih tawh ngei an beisei tih an sawi.

Presbyterian English School, Serchhip chuan tun thla ni 12-a World Sight Day pualin National Programme for Control of Blindness & Visual Impairment, Serchhip District te nen \ang-kawpin an School-a zirlai naupangte Mit an enfiah sak a, Class IV a\anga Class X thleng mi 400 bawr vel Mit chu a thlawna ensak niin, heng zirlai naupang Mit enfiah zinga 20 te chu an Mit a \ha tawklo tih hmuhchhuah a ni a, sorkar a\angin a thlawnin Tarmit an dawng dawn a ni.

Mizoram sorkar in ruahmanna a siam angin Vawiin, Oct. 16, 2017 a\ang hian zirna In hrang hrang te kai hun chu darkar chanve-a tih tlai a ni dawn a, hei hi nakum February ni 16 thleng hman tur a ni ang.

Mizoram State Boxing Championship vawi 39-na chu Zirtawpni tlai khan Serchhip Boxing Hall-ah zawhfel a ni a. He Championship kharna hun hi Chief Minister, Lal Thanhawla chuan a hmanpui a ni.

Mizoram Journalists Association (MJA) Serchhip District Member te chuan Zirtawpni kalta khan Serchhip Zawlpui phai-a Agriculture Department hmalakna hrang hrang an tlawh a. Agriculture Department-a thawk te chuan Leilet neitu ten an Buh chin ah hralhchhuah tura hlawk chi aia a tui ringawt an la ching duh chu buaithlak an tih thu an sawi.

Chhiahtlang Hmar Veng-a cheng Lalhmuakliana chu niminpiah tlai khan a ram-kalna ah chesualin kham-ah a tla a, a tlakna ah hian boral nghalin nimin khan vuiliam a ni.

Serchhip Block Congress Committee chuan nimin khan Workers’ Meet an nei a, he hun hi bialtu MLA leh MPCC President ni bawk, Lal Thanhawla chuan a hmanpui a ni.

Power & Electricity Department leh Irrigation Department Secretary, H. Lalengmawia chuan Mizoram chhungah Kawlphetha Megawatt 30 zet pechhuak thei tur duan a ni chungin heng a\anga pekchhuah hi Megawatt 10 vel chauh ala nih thu a sawi.

Mizo Students Union (MSU) General Conferene vawi 16-na chu Sialhawk khuaa Lallula Run-ah neih mek a ni a, nimin khan School Education Minister, H. Rohluna chuan he hun hi khuallian nia hmanpuiin Mizoram chu State bila Education Reform nei awmchhun a nih thu a sawi.

Chhiahthlang-ah nimin khan Khawkhawm kum 50 tlin lawmna leh hemi paula ‘Haw Runpui’ chu neih a ni a, he hun hi Chief Minister, Lal Thanhawla chuan khuallian niin a hmanpui a ni.

* Serchhip mi in lawmman pakhatna a dawng

Police Constable lak chungchanga Mizoram Police in thuchhuah alo siam tawh angin Registration & Physical Measurement chu Oct. 16, 2017 a\angin Aizawl Mualpui-a 3rd Bn MAP Ground-ah neih a ni dawn a. Application form hi 25,000 lai hralhchhuah a nih avangin, nikhat ah zawh theih a ni dawn lova. Application form a Serial No. angin kal ni tur ruahman a ni a. Heta kal dan tur hi District SP Office tinah leh PHQ leh 3rd Bn MAP, Mualpui, Aizawl-ah te tar-chhuah a ni a. Mahni kal ni tur lo enfiah \heuh tur leh tlai lo turin Candidate te hriattir an ni.

Serchhip Darnam Branch YMA Kum 25 tlin lawmna chu ni thum chhung neih a nih hnuah nimin khan ruai nen Jubilee lawmna hi neiin zawhfel a ni.

SSA Mission Serchhip leh DIET Serchhip te \angkawp buatsaih Serchhip Block huamchhunga Primary School leh Middle School Zirtirtute tana ‘Learning Out Comes’ training chu nimin khan neih \an a ni.

Niminpiah khan Sailulak khuaah Education Campaign buatsaih a ni a, zirna lama khawtlang in hma a sawn theih nana tha nia hriat hrang hrangte sawihona leh zirlai naupangte fuihna hun hman niin Serchhip DEO, Lawmawma chu khuallian a ni.

Kumin Fur ruahtui tla avanga Vanduaina tawk te \anpuina tura Central YMA in Vehbur a khawn chunimin khan Mizoram hmun hrang hrangah semchhuah a ni a, Serchhip-ah pawh Serchhip Sub-Hqrs. YMA chuan chhung-kaw 7 te hnenah chhawmdawlna a hlan a ni.

Mizoram State Boxing Championship vawi 39-na chu nimin khan Serchhip Boxing Hall ah neih \an a ni a, Mizoram hmun hrang hrang a\angin Boxer 136 zet an tel a ni.

Comedian lo haw hmuak :

PWD changtu Minister, Lal Thanzara chuan Kum dang anglo takin kumin ah March thla a\ang khan Lo hal hun pawh bi thliah hlei thei lovin ruah surin min tibuai nasa tih sawiin, hei vang hian kalpawhna kawngpui pawh kum dang aiin a chhiat nasat bakah leimin pawh a tam phah a ni, a ti.

Serchhip Bazar Sa zawrhna hmun vawnfai a nih theih nana hmalakna pakhat atan nimin zing khan Sa zawrhna hmuna Bawlhhlawh bawm dah tur pahnih chu Serchhip Sazuar Association hnenah hlan a ni.

Nimin khan khawvel hmundangte rualin Serchhip Hmar Veng-a Observation Home-ah World Mental Health Day pualin hun hman a ni.

Mizoram Inter-District Open Wrestling Championship vawi 2-na chu nimin khan Kolasib-ah zawhfel a ni a, a thlengtu Kolasib District chu Team Champion niin Serchhip chu 3-na an ni.

um 2017 chhungin SSA Mission Serchhip District chuan Serchhip District chhunga Primary School naupang 1900 leh Middle School naupang mi 3278 te hnenah a thlawnin text Book a sem a. School Uniform pawh Primary School leh Middle School naupang 4067 hnenah pek an ni bawk. Heng bakah hian Teacher Grant zirtirtu mi 597 hnenah pek an ni a, chet-phunga harsatna neite tan School 33-ah Toilet sak zawh a ni bawk. Tin, zirtirtu indaihloh zualna School 5 ah Trainer pakhat \heuh dah thar an ni.

PWD changtu Minister, Lal Thanzara chuan tun |hal hun chhung reilote ah kawng chhia te hi theihtawpa siam \hat an tum dawn tih a saw i.

Mizoram sorkar in Faina Hapta hman mek puala Sorkar Pisa hrang hrangte nimin chawhnu lama Faina chungchanga mipui vantlang zirtirna thiltih nei tura a tih angin Serchhip khawpuia sorkar pisa engemawzat ten nimin chawhnu lam khan hnatlang an nei.

September ni 26-a Chawngte Higher Secondary School zirlaite Sport lai Chakma \halai \henkhatinan tibuai nia sawi vanga buaina awm mek chungchang chu nimin khan Mizo Students' Union, Chakma Autonomous District Council leh Chakma Zirlai pawl hruaitute chu Lawngtlai West bialtu MLA, C. Ngunlianchunga hovin an \hukhawm.

Environment, Forest and Climate Change Department in a enkawl Dampa Tiger Reserve chu tunhnaia Indian leh British zirmite zirbingna a\anga a lan danin South East Asia pumpuiah Kelral (Clouded leopard) a bitna ber (population density sang ber) a ni tih hmuhchhuah a ni.