India ram Paraglider naupang ber lawmpuina hlan

India rama Paraglider naupang ber record siamtu Samuel Lalbiakhlua S/o MS Dawngzuala, Saitual Venglai chu nimin khan Saitual Bawrhsap Dr. Lalngura Tlau kaihhruaina hnuaiah Saitual District Sports Committee chuan lawmpuina hun hmanpuiin lawmpuina pawisafai Rs. 10,000 an hlan.

Saitual DC Conference Room-a he hun hmanna ah hian Bawrhsap chuan Samuel-a’n hetiang dinhmun thleng thei a tumruhna leh huaisenna a nei chu fakawm a tih thu leh Saitual District chhungah khawvel huap pawha lang thei hetianga chawimawi tur an awm chu lawmawm a tih thu a sawi a, India rama paraglider naupang ber record a siam thei chu a chhuang takzet tih a sawi bawk. Bawrhsap chuan Association leh Afiliated chauh pek tura Sport Committee ten an lo rel tawh mah ni se Samuela Lalbiakhlua hlawhtlinna chu District Sport Commitee ten hmaih chi ah an ngaihloh avanga hetiang hun hi buatsaih an ni tih a sawi bawk.

Saitual District Sports Committee Vice Chairman Lalbiakvela pawhin Samuel-a chungchang sawiin, Adventure Sports chu an affiliated Member ah tello mahse, hetianga hlawhtlinna chang an nei chu lawmawm a tih thu leh District Sports Committee ten an chhuang takzet tih a sawi a. A nu leh pa te pawhin Samuel-a ang fa an nei thei chu vanneihthlak a tih thu a sawi bawk.

Nimin-a he hun hmanna ah hian Saitual District Bawrhsap bakah District Sports Committee member te leh Samuel-a leh a nu leh pa bakah an chhungte an tel a, Chhungkaw aiawhin Samuel-a pu, Lalrosiama pawhin a tupa hlawhtlinna chungchangah hmalakna a awm chu a beisei phak loh thu leh lawmawm a tih thu sawiin, Saitual Bawrhsap hova lawmpuina hun an siam thei chu a lawmthu a sawi bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar