Serchhip District Volleyball Championship-ah Chhim Veng

Serchhip District Volleyball Championship chu Inrinni khan khelh zawh a ni.

Serchhip Vengchung Volleyball Court-a khelh Serchhip District Volleyball Championship 2017 kharna inkhawm Serchhip District Volelyball Association President, K. Tlangthanmawia kaihhruai a neih ah khuallian nia he hun hmanpuitu, Vanlaltluanga chuan Mizoram-ah Zu leh ruihhlo ngawl vei mi \hahnem tak an awm thu leh tunlaia \hangthar zingah pawh ruihhlo ti thar an awm zel thu sawiin, heng mite chhanchhuahna kawngah hian theihtawp kan chhuah tlan a \ul thu a sawi a.

He hunah hian Match Commissioner, A. Lalduhawma chuan Report pein Thawhlehni a\anga khelh \an Serchhip District Volleyball championship-ah hian Mipa-ah Team 10, Hmei-chhia-ah Team 4 leh Under-14 ah Team 10 an tel a, match 33 khelh a ni bawk.

Inrinni-a Hmeichhe Final khelh ah Then-zawl VC chuan Biakmuana Memorial VC chu 3-1 a hnehin an champion a, Thenzawl VC hian set hmasa ber chu 17-25 in hloh mah se 25-21, 25-21, 25-23 in Set an la zawn a, an champion a. Under-19 ah Hlutei VC Chhiahtlang in Hriangtlang VC chu 3-2 a hnehin an champion bawk a, Hlutei VC hian Set hmasa pahnih chu 21-25 leh 26-28 in hloh hmasa mah se 25-15, 25-17 in Set an la leh a, Deciding Set-ah 15-12 a Set la zuiin hnehna an chang a, champion hian Rs. 4000/- dawngin pahnihna hian Rs. 2000/- an dawng a, Under-19 ah hian Best Promissing Player-ah Lawmsangpuia Vengchung VC, Best Defender-ah Zoremsiama, Hriangtlang VC leh Best Setter-ah Lalhmingsanga, Hluite VC te thlan an ni.

Mipa-ah Serchhip Chhim Veng VC chuan Thentlang G&SA chu 3-0 a hnehin an champion bawk a, Chhim Veng VC hian 25-19, 25-18, 25-22 in Set an la a, Rs. 10,000/- dawngin pahnihna in Rs. 5000/- an dawng bawk a ni.