Traffic dan bawhchhia tam

Aizawl khawpui chhungah tun thla tir atanga Zirtawpni thleng khan Traffic dan bawhchhia lirthei 195 man an ni tawh a, an pawisa chawi tlingkhawm chu E-Challan telin Rs. 1,18,800/- a ni. Aizawl Traffic hotute chhinchhiah danin traffic dan bawhchhe zingah lirthei ke hnih nei khalhtu an tam ber a, dan bawhchhia 195 zinga 119 chu lirthei ke hnih khalh niin hei hi dan bawhchhia awm zingah 61.02% an tling phak a ni. Lirthei ke hnih khalhtu dawtah hian lirthei te (LMV) khalhtu in dan an bawhchhe hnem ber a, LMV khalhtu lirthei dan bawhchhia hi 70 awmin hei hi 35.89% a tling phak a. Anni bakah hian lirthei lian (HMV) leh Taxi te chu lirthei dan bawchhia pawisa chawi tir zingah hian an tel bawk.