STDC thutkhawm neih a ni

Serchhip Town Development Committee chu nimin khan thukhawmin hmalakna tur hrang hrang an sawiho.
Serchhip Kawnpui VC Hall a Serchhip Town Development Committee thut-khawm hi an Chairman V. Rozamliana chuan kai-hruaiin Leisekawt Mual laihzauh tawha BDO Office sak tumna Serchhip District NGO Coordination Committee ten rem an ti lo chu tha an tih thu leh lawmawm an tih thu an sawi a. Chief Minister kalchhuak ta Zoramthanga hova Meeting in 2nd Phase-ah BDO Quarters tlang rawt nise an lo tih tawh chu a hlawhtlin theih nan chak taka bawhzui nise an ti bawk.

STDC chuan AOC Veng-a S&WC Department ram leh Venglai-a PWD ram te Vantlang tana dah a nih theih nana hmalak relin Kikawn leh Sailiamkawn inkar, Serchhip khawchhung kawng chu CSR Fund hmanga siamthat leh tihzauh a nih theih nan hmalak nise an ti a. Chhiahtlang a kawng siam mek engemaw harsatna avanga la laih zawh loh chu a nih tur anga siam a nih theih nan hmalak nise an ti bawk.