Mizoram-ah National Dengue Day hman a ni

Health & Family Welfare hnuaia National Vector Borne Disease Control Programme (NVBDCP) chuan nimin khan Dengue Do-na Ni, National Dengue Day an hmang.

National Dengue Day pual hian MINECO-a ATI Auditorium-ah NVBDCP, Mizoram huaihawtin Aizawl Municipal Corporation huam chhunga Veng 166-a Local Council Member te nen Dengue natna chungchang inzirtirna leh Dengue pung zel tur ven nana khawtlang mipui nena thawhho dan tur chungchang zirho a ni a. He hunah hian Dr. Lalremmawii, Director of Health Services chuan Local Council Member te chu Dengue dona kawnga mipui zirtirtu, ngenna leh hriattirna pe theitu an nih angin an zirlai zirte khawtlang tana hmang tangkai theuh turin a chah a. Additional Director Dr. Chawngthanchhunga’n Mizorama Dengue dinhmun tarlangin, State Consultant pahnih Malsawmthangi Pachuau leh Deborah Lalpuii te’n zirtirna an pe a ni.

Kumin-a National Dengue Day-ah hian thupui atan ‘Dengue tirem tura khawtlang nena thawhho’ tih hman a ni a, Report atanga a lan danin, Mizoram Dengue khawsik natna hmuhchhuah hmasa ber chu kum 2012-ah niin, Aizawl leh Champhai District-ah mi 6 te atangin Dengue khawsik hmuhchhuah a ni a. Kum 2021 thleng Mizoram-ah thihpui an awm loh laiin kum 2022 ah mi 5 te chuan an thihpui a, nikum-ah mi pahnih in an thihpui bawk a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man