KMMTTP kawng siam hna thawh mek zel a ni
India leh Myanmar insumdawn tawnna tur KMMTTP kawngpui laih mek chu chhunzawm mek zel a ni a, he hna thawh mekah hian hnathawh tur zatve aia tam thawh tawh a ni.
Kaladan Multi Modal Transit Transport Project (KMMTTP) hnuaia Mizoram chhunga kawngpui kal tur hi KM 99.83-a thui niin, Package 3-ah \hen a ni a. Package-I hi KM 0-38 niin, RDS Company-in an thawk a. Package-II hi KM 38-71 niin, Atlanta-ARSS Company te’n an thawk thung a. Package-III KM 71-99.83 hi RDS bawkin an thawk a ni.
Package-I (0-38 KM)-ah hian Revised Estimate-2 (RE2) angin cheng vbc. 377.99 sanction a ni a. Formation cutting (a laih) hi KM 37.04-ah KM 36 zawh tawh a ni. Culvert siam tur 183 awm zinga 98 chu siam zawh tawh a ni a. Side drain KM 40.13 laih turah KM 5.25 laih zawh tawh a ni. Lei dawh tur pakhat awmin, hna la \an loh a ni a. Kawng hi KM 34.59 luan (blacktop) turah KM 12 luan tawh a ni a. Package-I hi 30.06.2018-a zawh tura tinzawn niin, a pumpuiin 59.57% thawh zawh tawh ang a ni.
Package-II (38-71 KM)-ah hian RE2 angin cheng Vbc. 305.61 sanction a ni a. Formation cutting hi KM 25.78-ah KM 25.58 zawh tawh niin, la laih loh hi metre 200 a ni. Culvert siam tur 110 awm zinga 92 chu siam zawh tawh a ni a. Side drain KM 33.82 laih turah KM 17.9 laih zawh tawh a ni. Lei dawh tur pakhat awmin, hna \an chhoh mek a ni a. Kawng hi KM 25.78 luan (blacktop) turah KM 17.9 luan tawh a ni a. Package-II hi 30.06.2018-a zawh tura tinzawn niin, a pumpuiin 80.18% thawh zawh tawh ang a ni.
Package-III (71-99.83 KM)-ah hian RE2 angin cheng Vbc. 327.92 sanction a ni a. Formation cutting hi KM 26.81-ah KM 26.33 zawh tawh niin, la laih loh hi metre 480 a ni. Culvert siam tur 135 awm zinga 113 chu siam zawh tawh a ni a. Side drain KM 28.34 laih turah KM 13.36 laih zawh tawh a ni. Lei dawh tur paruk (6) awmin, pakhatah bul \an tawh a ni a. Kawng hi KM 26.81 luan (blacktop) turah KM 9.97 luan tawh a ni a. Package-III hi 31.12.2018-a zawh hman tura tinzawn niin, a pumpuiin 65.9% thawh zawh tawh ang a ni.
A zavaia belh khawmin RE2 angin cheng Vbc. 1011.52 sanction a ni a. Formation cutting hi KM 87.91 zawh tawh niin, la laih bak KM 1.72 a awm a. Culvert siam tur 428 awm zinga 303 chu siam zawh tawh a ni a. Side drain KM 102.29 laih turah KM 36.51 laih zawh tawh a ni. Lei dawh tur pariat (8) awmin, pahnihah bul \an tawh a ni a. Kawng hi KM 87.18 luan (blacktop) turah KM 39.87 luan tawh a ni a. A pumpui khaikhawmin 68.55% thawh zawh tawh ang a ni.
Comments
Post a Comment