Bazar Branch K|P in thisen pe

Presbyterian Serchhip Bazar Branch K|P te chuan nimin khan JN Hospital Serchhip Blood Bank-a dah turin thisen Unit 26 an pe.

Kumin January thla a Serchhip Vengchung Pastor Bial K|P inkhawmpui in ‘JN Hospital Serchhip-ah Bial huapa thisen pek nise’ tia an lo rel tawh tih hlawhtlinna kal zelah nimin khan Serchhip Bazar Branch K|P te chuan damlo a mamawh apiangte hman tura JN Hospital Blood Bank-a dah turin thisen hi an pe a, thisen petute hi mi 26 niin mipa 13 leh hmeichhia 13 an ni a, heng mi tlawmngai te hi Blood Bank-ah kalin Blood Bank-a thawk ten an thisen hi an lo lak sak a ni.

Serchhip Vengchung Pastor Bial-ah thian K|P Branch 5 an awm a, kumin a an Conference thurel tih hlawhtlinna atan hian K|P Branch hrang hrangte hian a inchhawkin thisen hi an pe a, tunah hian Branch 5 awm zingah Dinthar Branch, Chhim Veng Branch, Field Veng Branch leh Bazar Branch ten thisen hi an pe tawh a, Vengchung Branch te pawhin AVBD Serchhip Branch leh Blood Bank-a thawk te nen hun remchang ruahmanna siamin an la pe leh dawn bawk a ni.