Vote tla a that theihna tura inelna lawmman sem

Lok Sabha inthlanpui 2024 puala Chief Electoral Officer (CEO), Mizoram buatsaih District Level SVEEP & Media Competition leh Voters Turnout Competition lawmman chu nimin khan Aijal Club ah sem a ni.

Heng lawmman semna puala inkhawmah hian Addl. CEO Dr. H. Lianzela chuan vote thlak chu mitin te chanvo mai nilovin India khua leh tui te tih tur ngei ngei tur a ni tih a sawi a. Lok Sabha inthlan zawh takah duh angin Vote tla tha lo mahse, CEO te hmalakna zara tluang taka Vote thlak zawh a ni chu lawmawm a tih thu a sawi bawk.

Addl. CEO chuan Democracy ramah chuan mipui ta, mipui len theihna sawrkar tha tak a awm a ngai tih sawiin, chumi a thlen theihna tur chuan kum bithliah chin ram hruaitu thlang thei tur ruahman a ni a, mipuite a tam thei ang berin vote an thlak theihnan theihtawp an chhuah a, hemi kawnga inelna an siam an hlut sak avang hian District tina DEO leh an thawhpuite, BLO zawng zawngte, MPF, NGO, Media te leh Election Department Official zawng zawngte chungah lawmthu a sawi a. Inthlanpui a la kal mek avang hian India ram puma vote tlak dan a la hriat theih chiah lo chungin Mizoram bikah chuan tun aia tha zawka vote a tlak that lehzual theihna atana ruahmanna thar siam dan tur te pawh ngaihtuah thar tur tam tak a awm tih a sawi bawk.

District Level SVEEP & Media Competition-ah hian DEO, Khawzawl chuan lawmman pakhatna dawngin DEO Lawngtlai chuan pahnihna leh DEO Kolasib in lawmman pathumna an la a. Booth Level Officers (BLO) te inelna, Voter Turnout Competition-ah Mizoram chhunga Polling Station 10-a vote a tlak thatna hmuna BLO te hnenah lawmman hlan an ni bawk. Lawmman pakhatna hian Rs. 8,000, pahnihna in Rs. 7,000 leh pathumna in Rs. 6,000 dawngin chawimawina thuziak hlan tel an ni a, midang zawng hi Rs. 5000 leh thuziak hlan theuh an ni bawk.

Comments

Popular News (Last 30 Days)

LPG man bithliah thar