MZP in Assembly neiin hruaitu tur thlanna an nei

Mizo Zirlai Pawl (MZP) chuan nimin khan Aizawl-a Electric Veng YMA Hall-ah Assembly neiin hruaitu thlanna an nei a, MZP Gen. Hqrs. President thar atan L. Ramdinliana Ren-thlei chu thlan a ni. Nimin a MZP Assembly ah hian hun hmasa lamah an President, Lalsangzuala Ngente kaihhruaiin rorelna an nei a, an thurel zingah Mizoram chhunga mikhual chamrei, Chakma leh Tuikuk chetvel dan buaipuitu tur Sub-Committee chu MZP General Headquarters in din se an ti a, Bangladesh a\anga Mizoram chhunga dan lova foreigner lo lutte thawn haw an nih theih nan hmalak nise an tih bakah Registrar Birth & Death chu Chakma khuaah a khawihtute Chakma vek an nih \hin avangin ram leh hnam tan a him lo hle a, fimkhur taka kalpui turin sorkarah thlen ni rawh se an ti bawk.

Hei bakah kum 2018 chhungin Zo-Hnam inkhawmpui lian ZOFEST neih leh an rel bakah Mizoram hmun hrang hrangah zirtirtu indaih-lohna hre reng a, tuna zirtirtu sorkarin lak an tum mek chu rang taka lak a nih a, zirtirtu indaih-lohna School leh College-ah zirtirtu dah a nih thuai theih nan hmalak an rel bawk.

Hemi hnu hian MZP General Hqrs. hruaitu tur thlanna neih nghal a ni a, President-ah L. Ram-dinliana Renthlei; Vice President-ah B. Vanlal-tana; General Secretary-ah Lalnunmawia Pautu; Asst. General Secretary-ah H. Lalthianghlima; Treasurer-ah Michael Lalramsanga leh Finance Secretary-ah Andrew F. Lalramnghaka te thlan an ni bawk.

MZP Chanchinbu chuan kum danga a lo tih \hin tawh angin kum 2017 chhunga an chanchinbu-a thuziaktute a\angin thuziak \ha ber "Article of the Year" a thlang leh a, Joe Lian-hmingthanga, Reiek thuziah "Mi famkim lo" tih chu thlan niin, lawmpuina thuziak he hunah hian hlan a ni bawk.