Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Mihring ten leilungin min dâwl theih chin ang zela \han chhoh kan zir a ngai - Larsap

Mzoram Lt. Gen. (Rtd) Nirbhay Sharma chuan mihring ten leilungin min dâwl theih chin ang zela \han chhoh kan zir a ngai a ni, a ti.
Mizoram University-a ‘Natural Resources Management for Sustainable Development and Rural Livelihoods’ tih thupui hmangin International Conference nimin-a a buatsaih a hmanpuina ah he thu hi sawiin Mizoram Larsap chuan mihringte’n mahni ham\hatna kan ngaihven luat avangin, leilung hausakna, lei in a hnawhkhah leh theihna aia nasain kan hmang ral a, renchem kan zir a nih loh pawhin kan mamawh phuhrukna tur hnar dang kan zawn a ngai a ni, a ti a. Mihring te chuan kan khawsak a nawm zawkna tur kan ngaihtuah \heuh a, leilungin min dâwl theih chin ang zela \han chhoh kan zir a ngai a ni, a ti.
Himalaya tlangram te tana hmasawnna tlo chu thil pawimawh leh kan hun tawn mek nena inmil tak a nih thu sawiin Larsap chuan, tlangram a bikin Mizoram ang te harsatna chu zirchiang a, a sutkian dan tur \ha zawk Conference chhunga an sawiho a, a taka chantir a nih theih ngei a duh thu a sawi bawk.
Nimin a he Seminar hi Geological Survey of India-a Director General, N. Kutumba Rao pawhin Khual zahawm nia hmanpuiin India leilung an enthlithlai vek tawh thu a sawi a. Mizoram chuan leihnuai hausakna te nei tamlo in, industry lian bun theih nilo mahse, Agriculture, Forestry, Horticulture leh thil dang dangah te hmasawnna tur tam tak a hmuh thu a sawi a. Tlangrama thlawhhma neih leh kawlpetha siam chhuah ah te \an la turin a chah bawk.

Comments

Popular News (Last 30 Days)