Inthlanpui atan PRISM an inpeih tawh; Chief Minister bial telin bial 27 vel lak beisei

PRISM hruaitute chuan MLA inthlanpui lo awm tur atan an inpeih tawh thu an sawi a. Chief Minister, Lal Thanhawla bial telin Bial 27 vel la thei tura an inngaih thu leh a aia tam zawk la thei tura hma an lak thu an sawi.

Inrinni-a Aizawl-a PRISM Conference Hall-a thuthar thehdarhtute an kawmna hunah he thu hi sawiin PRISM hruaitute chuan kum 2006 a\angin Mizoram siam\hat tumin ‘pressure group’ angin theihtawpa hma an lak thu sawiin, amaherawh chu an hmalakna te sorkarin a bawhzui \ha duh lo a, a chang phei chuan an hmalakna bansan duh khawpin an beidawng hial \hin tih an sawi a. March ni 22, 2017 khan PRISM khawmpui-ah MLA inthlan lo awm tur a\anga Rorelna Dik leh Sorkar \ha din tura hmalak relin heta \ang hian ‘political activity’ an nei chho ta thung tih an sawi a. Political Activity an neih chinah chuan an hmalakna te sorkar in a ngaihvenin a bawhzui \ha thei ta hle thung nia sawiin, chuvang chuan political activity neih chu Ram leh Hnam tana hlawk zawka rawng an bawl theihna nia hriain, November ni 3, 2017 khan, PRISM hming hmang thovin, Political Party thar, “People’s Representation for Identity and Status of Mizoram” Party an din ta tih an sawi.

PRISM chuan nakum-a MLA inthlanpui neih tur atan an inpeih tawh thu sawiin, Election Manifesto siamfel tawhin Policy an siam zo tawh bawk tih an sawi a, candidate tur a \ul hun huna tifel thei turin an inpeih tawh nia sawiin, Bial 40-ah candidate 40 an nei dawn tih an sawi a. MLA Inthlanpui lo awm tur hi a hun an sawn hma emaw, a hun pangngai a ni emaw, an sawn tlai a ni emaw buaina an nei lo nia sawiin, hmachhawn turin an inpeih tawh tih an sawi a. Mizoram People Forum (MPF) leh political party ten inthlanna (election) atana ‘Thawhhona Thuthlung’ an lo siam tawh chu, pawm ve tura MPF in an ngen anga an pawm tawh thu pawh an sawi a, he ‘Thawhhona Thuthlung’ hi a hlawhtlin nan an theihtawpin an bei dawn tih an sawi.

PRISM hruaitute chuan Assembly inthlanpui lo awm turah Mizoram-a Bial 40 awm a\angin Bial 23 a\anga 27 la thei turah an inngai tih sawiin, Assembly Constituency te an zir zo vek tawh tih an sawi a. Survey an neih a\angin, tun dinhmunah Chief Minister nilai, Lal Thanhawla bial telin, bial 23 a\anga 27 la thei turah an in ngai tih sawiin, hei aia tam la thei tur hian hma an la tih an sawi a, an President Vanlalruata chu an pawl Chief Minister candidate a ni dawn niin an sawi bawk.