Ministry of Housing & Urban Affairs hnuaia Mizoram-a Mission/Scheme chhunzawmna tur sum sanction a ni

Union Minister of State (Independent Charge) for Housing and Urban Affairs, Hardeep Singh Puri chuan nimin khan Mizoram sorkar-a UD&PA Minister, Zodintluanga hnenah Ministry of Housing & Urban Affairs hnuaia Mission/Scheme hrang hrang thawh chhunzawmna tur cheng Vbc. 22.89 sanction Order a hlan.

Sorkar laipui Ministry of Housing & Urban Affairs hnuaia Mission/Scheme hrang hrang kalpui dan thlirletna, Review Meeting Guwahati-a neih mekah Union Minister, Hardeep Singh Puri chuan he sum sanction Order hi Mizoram sorkar-a UD&PA Minister, Zodintluanga hnenah a hlan a. Sorkar thuchhuah in a tarlan danin North-Eastern Region Urban Minister te hian Union Housing & Urban Affairs Minister kaihhruaiin Mission leh Scheme hrang hrang hmalak mek dan an thlirho a. North-Eastern State zingah Scheme hrang hrangah Mizoram chu a ti \ha lawr hle a, Union Minister chuan AMRUT hnathawh chhunzawmna turin Second Installment cheng vbc. 56.09 pek thuai a tiam bawk. The Telegraph chuan North-East State zingah Mizoram State chauh chu duhthusam anga AMRUT Scheme thawk thei an nih thu Ministry lam hian thu an chhuah an tarlang a. Mizoram hi AMRUT Mission bikah India rama State ti \ha zual 10 zingah a tel bawk a ni.

AMRUT Scheme-ah hian Mizoram chauh hi Mission Period chhunga SAAP (State Annual Action Plan) zawng zawng pawm sak tawh awmchhun a ni a, heng SAAP pathum pawm tawh ah te hian sum thawhkhatna (1st installment) a lo dawng tawh a ni. Minister hian hna chak taka thawh zawh tawh a nih avangin 2nd Installment release thuai tura Union Minister hnena a ngen angin Union Minister hian cheng vbc. 56.09 chu a rang thei ang bera lo bawhzui nghal a tiam  a ni.

National Urban Livelihoods Mission (NULM)-ah pawh Mizoram chu North-Eastern Region ah a ti\ha lawr lak a, India pumpui ranking ah pawh 18-na a hauh mek a. Tun anga a kal chhoh zel chuan India rama he Scheme thawk \ha ber pawl ni thuai tura beisei a nih thu Ministry lam hian an sawi a. He Mission hnuai Scheme of Shelters for Urban Homeless (SUH) leh Self-Employment Programme (SEP) ah te Mizoram chu India rama thawk \ha ber zinga a tel thu tarlan niin Mizoram State chu North-East State zingah thawk chak leh hmahruaitu a nih thu sawi a ni bawk.