In sak hna chhunzawm leh

Pathianni kalta-a kangmei vanga In leh an bungrua chantu, Lalchawimawia te chenna tur In sak hnatlang chu nimin khan chhunzawm leh a ni a, he hnatlang ah hian mi 100 dawn thawkin Presbyterian English School zirlaite pawh thingpui lumin an thawkchhuak leh a. Nimin a hnatlang a thawkchhuak te hian In hi a chung an chih zawh bakah a bang pawh an bel zo a, a chhuat phah  pawh zawhfel a ni a, tukverh vuah leh Inchhung lam tihfel chiah hmabak a awm tawh a ni. He In sak hi peihfel thawkhat a nih avangin Vawiin lam hi chuan khawtlang huap hnatlang neih a ni tawh lo ang.