Medical College atana mamawh tifel vek tawh

Mizoram sorkarin Mizoram Institute of Medical Education & Research (MIMER) din tura theihtawp chhuah mekin, Medical College atana mamawh zawng zawng sorkarin a tifel vek tawh tih Chief Minister, Lal Thanhawla chuan a sawi.
Chief Minister hian nimin khan a Office-ah thuthar lakhawmtute kawmin Mizoram sorkarin kum 2008 a\ang khan Medical College din anih theih nan chak takin hma a la tih a sawi a, “State Referral Hospital, Falkawn chu CSS hnuaiah ‘Establishment of New Medical Colleges attached with existing District/Referrals Hospitals’ hnuaiah Medical College ni tur zingah a tel ve a ni,” a ti.
Chief Minister chuan Medical College atan infrastructure \ha mai bakah Principal, Faculty leh thawktu engemawzat chu College hawn hma, kum khat tal an lo awm lawk a ngai tih a sawi a. Hemi atan hian Cabinet meeting niminpiah-a neih chuan Post 629 siam a remtih thu a sawi. Chief Minister sawi danin Principal, Professor leh Associate Professor turten Teaching Experience an neih a ngaih avangin Mizo doctor zingah ‘Qualify’ an awm mang lo a. Hemi anih avang hian heng posts-ah te hian Mizote qualify an awm hma chu a \ul angin hnamdang ‘Contract Basis’ a lak a ni ang a. Principal atan Dr. Lallukhum Fimate chu appoint turin Cabinet Meeting chuan a pawmpui a ni, a ti.
Medical Council of India (MCI) in Medical College changtlung tak din anih theih nan dan hrang hrang zawm tur a siam tih pawh sawiin Chief Minister chuan, Mizoram sorkarin kum 2014 a\ang khan kumtin deuhthaw dilna a thehlut a, kumin January 2017 khan MCI a\angin endiktute an lokal tawh a, kumin kum tawp lam hian lokal leh tura beisei an ni, a ti a. Medical College thar tur ah hian subject thum zir theih tura ruahmanna siam phawt a ni a, a zir man pawh hi State dangte tih dan nen kalpui a nih tur thu an sawi a. Tin, he College-ah hian seat za (100) awm thei tur a ruahman niin za-a 85 chu Mizo tan a hauh tur a nih tur thu an sawi bawk a. Nakum August thla chhung hian Class \an theih an beisei thu an sawi bawk.

Latest News

Minority Scholarship chungchanga hriattur te

Minority Scholarship chungchanga hriattur te - Laldinpuia

Popular News