Serchhip-ah Congress Party in Workers Meet an hmang

Serchhip Block Congress Committee chuan nimin khan Workers’ Meet an nei a, he hun hi bialtu MLA leh MPCC President ni bawk, Lal Thanhawla chuan a hmanpui a ni.

Serchhip Block Congress Committee in New Serchhip YMA Hall-a Party mipuite intawhkhawmna hun, Workers Meet an buatsaih hi Serchhip Block Congress Committee President, PC. Vanlalsawma chuan kaihruaiin he hunah hian Serchhip khaw-pui chhunga Congress Party Unit hrang hrang ten an dinhmun tlangpui tarlangin report an pe a ni.

Hemi hnu hian an Party President, Lal Thanhawla chuan an Party mipuite hnenah fuihna thu sawiin, nakum lawkah Mizoram in Assembly inthlanpui a hmachhawn dawn thu leh heta tan hian Party mipui ten theihtawp an chhuah a \ul thu a sawi a. Tun dinhmun ah an Party chu a zawna term thum sorkar siam thei turin dinhmun \ha taka an din thu sawiin, anmahni tichhe theitu chu anmahni bawk an nih avangin Party mipuit ten sorkar siam tura hma an lak a \ul thu a sawi a, party leh VC ten thawhhona \ha an neih a \ul thu pawh sawiin, Mizoram sorkar chuan NEDP hmangin mipuite tan hma a lak leh mek thu a sawi bawk.

Serchhip-a cham mek Chief Minister, Lal Thanhawla hi nizan khan Serchhip-ah a riak leh a, Vawiin chawhnu lamah Mizoram State Boxing Championship-2017 khar inkhawm khuallian niin a hmanpui leh dawn a ni.