Serchhip-a Eirawngbawlna Gas harsatna thleng mek sutkian dan tur sawihona neih a ni

Serchhip khawpui chhunga eirawngbawlna Gas harsatna thleng mek sutkian dan tur chu nimin tlai khan sawihona neih a ni a, he sawihona a tel te hian eirawngbawlna Gas phur tur hian Truck pakhat lak belh a nih theih nan hmalak nise an ti.

Serchhip District Consumers Association (SDCA) te hmalakna a eirawngbawlna Gas harsatna chungchang sawihona hun Serchhip Sub-Hqrs. YMA Office-a neih hi SDCA President, H. Zonuntluanga chuan kaihruaiin SDCA Secretary, Laldinpuia chuan Serchhip khawpuia eirawngbawlna Gas harsatna sutkian a nih theihna tura hma an lo lak tawhna hrang hrangte a tarlang a. Report a\anga a lan danin Serchhip-a Gas phur tura IOC a\anga transporter ten an chhanna chu a hniam hle a, Gas buk tling sa a\anga tlem tlem la chhuaka hralhruk \hin chu tunhnaiah YMA leh Legal Metrology hmalakna avangin Driver ten an tih theih mang loh hnuah chhuan lam siamin an phur tha duh ta lo a, hei vang hian Gas phur tura in report an awm mang ta lo a, Gas hi a harsat phah ta hle a ni.

IOC thuneitu \henkhat thurawn angin Serchhip-a eirawngbawlna Gas dah tur phur tur hi ngaihtuah a ni a, IOC in Contract an pekna anga Gas phurh man hi vawikhat ah Rs. 13,020/- ni mah se New Serchhip-a khawsa, Lalramfela chuan trip khat zelah Rs. 15,000/- zela a phurh theih tur thu leh hemi tur hian truck a lo ngaihtuah theih thu a sawi a. Hetianga kalpui a nih chuan Trip khat zelah hian Rs. 1980/- chawi belh a \ul dawn ta a. He sum hmuh dan tur hi sawiho niin Gas harsa chu mipui harsatna a nih avangin he huna tel Serchhip Town Joint VC Chairman, PC. Siam liana chuan mipuite tibuai lovin VC ten inpekchhawk an rem tih tlan leh tlan loh an lo inrawn tur thu a sawi a. Hei hi a remchang ta lo a nih pawhin tih dan kawng dang dap leh nise kalkhawm te chuan an ti ta a ni.

He huna tel Legal Metrology Inspector, Johny Zoliansanga chuan englai pawha Gas nei reng tura ngaih Star Agent, V. Neihkunga Gas Agency te paw’n nghei chang an neih fo \hin avangin tuna rawtna ang hian, an pual bik motor ngaihtuahin, tunah chuan Gas an hnianghnar phah tih a sawi bawk. Nimin a he sawihona hunah hian Serchhip District Consumers Association hruaitute bakah Serchhip Sub-Hqrs. YMA hruaitute, Joint VC hruaitute, thuthar thehdarhtute leh Mizofed Serchhip Branch Manager leh Legal Metrology Inspector te an tel a ni.