Serchhip Sub-Hqrs. YMA OB te Term pawhsei rel

Serchhip Sub-Hqrs. YMA chuan an hruaitu (Office Bearers) te term dinglai chu kum khat (1) atan pawhsei nise an ti.
Serchhip Sub-Hqrs. YMA hian nimin khan an President Kawlthuama kaihhruaiin Sub-Hqrs. YMA Coordination Committee (SCC) thutkhawm vawi 31-na chu Serchhip Sub-Hqrs. YMA Conference Hall-ah neiin April 30, 2024-a Sub-Hqrs. YMA Rorel Inkhawm vawi 4-na neih zawh taka an thurel bawhzui dan tur an sawiho a. YMA Inkhawmpui Lian, Sub-Hqrs. YMA Inkhawmpui leh Group YMA In-khawmpui te Covid hri len hmaa an neih thin anga a inrual lova neih leh an rawtna angin nakum ah Rorel Inkhawm neih tura an rel tawh chu nakum hi YMA Sub-Hqrs. hruaitu thlan hun ni mah se Rorel Inkhawm an neih dawn avangin hruaitu dinglai te term chu kum khat (1) atan pawhsei mai nise an ti a, kum 2026-a Sub-Hqrs. YMA Inkhawmpui neih leh hunah hruaitu thlanna hi neih leh tur a ni dawn a ni.

Heng bakah hian YMA Khawih leh Sawrkar khawih an rel hrang hrangte chu Sub-Hqrs. YMA Executive Committee (SEC) in a tul angin lo bawhzui se an ti a, SEC thutkhawm hi June 12, 2024-ah neih tura ruahman a ni. Nimin a SCC thutkhawm ah hian Sub-Hqrs. YMA Rorel Inkhawm neih zawh tak thlirletna hun an hmang bawk a. Kumin a Sub-Hqrs. YMA Budget leh Central YMA Budget te chu July, 2024 ralhma in pek kim nise an ti bawk.