NEDFi kaltlanga hmalak theihna thlirho a ni

Nimin khan Chief Minister Lalduhoma hovin CM Conference Hall-ah sawrkar Official pawimawh te leh North Eastern Development Finance Corporation Limited (NEDFi) hotute chuan NEDFi kaltlanga hmalak theihna te an thlirho.

He hunah hian NEDFi aiawhte chuan an hnathawh dan leh an Corporation in Mizoram tana hman tangkai theih Scheme hrang hrang an neih te an tarlang a. Mizoram-ah hian Branch pathum, Aizawl, Lunglei leh Champhai-ah te an nei mek a, Entreprenuership hmasawnna lamah hma an la deuh ber a ni. NEDFi hian cheng vbc. 211.30 senna tur Project 1295 kalpui mekin cheng vbc. 183.83 chu a hmutute hnenah an pe tawh a. Artisan thilsiam chhuah zawrh sakna hmun Dawrpui-ah an nei a ni.

He hunah hian NEDFi aiawhte chuan Mizoram sawrkarin Entrepreneur Development lamah nasa taka hmalak a tumna chu an tuipui hle tih sawiin, Mizoram sawrkar leh Bank te thawhdun theih tur ruahmanna an rawn duang a. Hei bakah hian kum 2017 atanga kalpui tawh North East Venture Fund, Ministry of DoNER leh SIDBI te thawhhona hnuaia din an kalpui dan chipchiar an tarlang bawk a. Mizoram-ah he Venture Fund hmang tangkai mektu hi Starts Up pali (4) an awm mek a. Hei bakah hian NEDFi's Advisory & Consultancy Services chungchang pawh he hunah hian an sawifiah bawk a ni.

Comments

Popular News (Last 30 Days)

LPG man bithliah thar