Bawlhhlawh bawm 2 hlan

Serchhip Bazar Sa zawrhna hmun vawnfai a nih theih nana hmalakna pakhat atan nimin zing khan Sa zawrhna hmuna Bawlhhlawh bawm dah tur pahnih chu Serchhip Sazuar Association hnenah hlan a ni.

India sorkar in rampum huap faina kawnga hma a lakna kal mekah Ser-chhip khawpui ah pawh nasa taka hmalak mek zel a ni a, Serchhip Bazar leh a chhehvel vawnfaina tura hmalakna chi khat atan Serchhip Bazar-a cheng, K. Tlangthanmawia (Bi-a) chuan Ser-chhip Sazuar Association te hnenah Bawlhhlawh bawm lian pahnih (2) a pe a, K. Tlangthan-mawia chuan Serchhip khawpui hmel lanna ber chu Serchhip Bazar leh a chhehvel ah a nih thu sawiin, YMA leh VC ten hma an lak bakah Sazuar ten an awmna leh a vel an vawnfai theihna a nih beiseiin heng bawlhhlawh bawm hi an hlan tih a sawi a. Serchhip Sazuar Association hruaitute chuan tunah hian an Sa zawrhna leh a vel chu cheihnum mek a nih thu sawiin, he bawlhhlawh bawm thar pawh hi \angkai taka an hman theih an beisei tih an sawi bawk.