Central YMA hmalakna in Fur ruahtui tla avanga vanduaina tawk te hnenah chhawmdawlna sem a ni

/
Kumin Fur ruahtui tla avanga Vanduaina tawk te \anpuina tura Central YMA in Vehbur a khawn chunimin khan Mizoram hmun hrang hrangah semchhuah a ni a, Serchhip-ah pawh Serchhip Sub-Hqrs. YMA chuan chhung-kaw 7 te hnenah chhawmdawlna a hlan a ni.

Kumin Fur ruahtui tla avanga vanduaina tawk te tana chhawldawlna hlanna hun Serchhip Sub-Hqrs. YMA Office-a neih hi Serchhip Sub-Hqrs. YMA Vice President, Kawl\huama chuan kaihruaiin Sub-Hqrs. YMA President, R. Sanghmingthanga chuan ‘YMA chu \anpui ngaite \anpuitu’ a nih angin kumin Fur ruahtui tla avanga \anpui ngaite \anpuina atan hian Mizoram hmun hrang hrang leh Mizoram pawn-a YMA Branch te chuan Vehbur hi khawmin, Pawl hrang hrangte pawhin sum an thawh thu leh Mizoram pawn bakah India rampawn, Myanmar-a Zohnahthlak te pawhin \anpuina sum hi an thawh tih a sawi a. Vanduaina tawk te hi Branch hrang hrang ten an report hnuah enfiah niin Central YMA in ruahmanna a siam angin chhawmdawlna hi semchhuah a nih thu a sawi bawk.
Kumin Fur ruahtui tla avanga vanduaina tawkte chhawmdawlna atan hian Rs. 1,30,91,476/- hmuh niin \anpuina dawng te hi chi hrang hrang ah \hen darhin Serchhip khawpui chhunga dawngtute chu hlawm thum-ah \hen an ni a, In chhe vek, a hmun ngaia sak lehna tlakloh te hnenah Rs. 80,000/- hlan niin C. Lianngaia, Serchhip Chhim Veng, Lalhmingliana, Serchhip Chhim Veng, R. Lalneihthangi, Serchhip P&E Veng leh Lalruatliana, Serchhip Vengchung ten he \anpuina hi an dawng a. In a \hen chhia, a hmun ngaia sak leh theih te hnenah Rs. 35,000/- hlanin H. Darrotluanga, Chhiahtlang Kawn Veng leh K. Thangluaia, Kei\um ten \anpuina hi an dawng a, In a \hen chhia, a hmun sak lehna tlakloh te hnenah Rs. 60,000/- hlan niin F. Vanlalsiama, Saron Veng te hnenah \anpuina hi hlan a ni.
Nimin a \anpuina semna hunah hian F. Vanlalsiama, Saron Veng chuan thu sawiin tun hma lamah leimin avanga harsatna tawkin an In hial an lo chan tawh thu leh, a hnuah In dang sa leha harsatna an tawh leh hnuah mi tlawmngaite sum thawhkhawm, YMA kaltlanga an dawng chu lawmawm a tih thu a sawi bawk.
|anpuina semna hunah hian \anpuina dawngtute bakah Branch YMA hruaitute leh MJA Member te an tel a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »