Serchhip Sub-Hqrs. YMA Coordination Committee in an pawl hmalakna tur hrang hrangte an rel

Serchhip Sub-Hqrs. YMA Coordination Committee \hutkhawm chu nimin khan neih a ni.

Nimin a Serchhip Sub-Hqrs. YMA Coordination Committee \hutkhawm Sub-Hqrs. YMA Meeting Room-a neih hi an President, R. Sanghmingthanga chuan kaihruaiin Oct. 17-19, 2017 chhunga Champhai Zotlang-a YMA General Conference vawi 71-na neih zawh tak report chu Sub-Hqrs. YMA Secretary, Lalrammawia chuan a pe a, hemi hnu hian Tuichangral South Group, Vantawng Group leh |awitlang South Group YMA aiawh ten report pe ve lehin hemi hnu hian member ten thlirletna an nei zui a. YMA General Conference hlawhtling taka neih a ni chu lawmawm an tiin Member kal te chungah lawmthu an sawi a, a thlengtute inpekna lawmawm an tih thu an sawi bawk. Chutih rual chuan hun lo kal zel tur atana \ha zawk nia an hriat te pawh Central Coordination Committee a thlen turin an rawt bawk.

SCC \hukhawm hian kumin atana Central Budget cheng nuai khat a tuk chu Group hrang hrang leh Branch hrang hrangte chan tur an insem bawk a, Tuichangral South Group a Branch 19 tan Rs. 12,000/-; |awitlang Group a Branch 12 tan Rs. 10,200/-; Vantawng Group a Branch 13 tan Rs. 10,200/-; Town Branch 21 tan Rs. 56,300/- leh Direct a awp Branch 7 tan Rs. 11,200/- te bithliah a ni.

SCC \hukhawm hian kumin a Sub-Hqrs. Serchhip Rorel Inkhawm in Sub-Hqrs. YMA leh Group YMA te Conference leh Rorel Inkhawm neih hun bituk alo rel tawh chu thlir zuiin Sub-Hqrs. Conference leh Rorel Inkhawm chu April thla chhungin neih nise an ti a, Group YMA Conference leh Rorel Inkhawm chu kumtin March thla ralhmain neih nise an ti bawk a. Serchhip Sub-Hqrs. YMA huamchhunga Group YMA pakhat, Vantawng Group YMA-a President, damlohna avanga enkawl mek chu Rs. 10,000/- in kan nise an ti bawk a. Serchhip leh Buarpui inkar ADB sum hmanga laihzauh hna thawh mek chu a thawktu Company ten chak zawka an thawh theih nan leh Serchhip leh Aizawl inkar National Highway-54, Bukpui leh Chhingchhip inkar kawng chhia siam\hat tura hmalak mek leh hmanraw \henkhat pawh chhawp tawh chu chak zawka hna thawh a nih theihna turin hmalak nise an ti bawk.