Kumin ah ruahsur nasa in min tihbuai nasat avangin kumdang aiin kawngpui a chhe nasa - Lal Thanzara

PWD changtu Minister, Lal Thanzara chuan Kum dang anglo takin kumin ah March thla a\ang khan Lo hal hun pawh bi thliah hlei thei lovin ruah surin min tibuai nasa tih sawiin, hei vang hian kalpawhna kawngpui pawh kum dang aiin a chhiat nasat bakah leimin pawh a tam phah a ni, a ti.

Public Works Department (PWD) in nimin a Engineer-in-Chief PWD Conference Hall, Tuikhuahtlang-a an hmalakna thlirletna hun an buatsaih a hmanpuina ah he thu hi sawiin PWD Minister, Lal Thanzara chuan Kawng chhia vangin khualzin zan hnih thum kawng laka tang sawi tur awmlo leh leiminna hmun rang taka tihfel (clear) nghal anih chungchangah department hnathawh chu chhuanawm a tih thu a sawi a. Kawng siamna atan khawl hrang hrang mamawh - Mini Hot Mix Plant, Road Roller leh Motor lei anih tawh thu a sawiin, Kawng chhelai siam\hat hna tih tak zeta thawk tur leh hma la turin he huna kalkhawm PWD hotulian te chu a chah a. Hnathawhna hmun tlawh tam tur leh an hnathawh te enfiah uar tura kalkhawmte chu chahin harsatna an tawh a\ang hian inenlet nachang hriat a \ul thu a sawi bawk.

PWD Minister chuan department hmalakna te chak zawka kalpui a nih theih nan rawtna nei tan a inhawn thu pawh sawiin, Department hmalakna mipuite hriat tura puanzar kawngah \an lak a ngaih bakah Social Media hman fimkhur a ngai tih a sawi a. Sorkar laipui duh danin Mizoram State Road Fund Act siam anih tawh thu pawh sawiin, he Act hi tunhnaiah siam\hat niin Mizoram Road Fund Board pawh din anih tawh thu a sawi a. Engineer kalkhawmte chu an bial \heuhah mipui leh tlawmngai pawl thawhpuia sawm turin a chah a. Hei hian mipui ten neitu nihna tak tak neihna kawngah a pui dawn tih a sawi a. Hnathawk \ha chu chhinchhiah niin duhsak an hlawh tur thu leh an mawhphurhna ah theihtawp chhuah turin kalkhawmte chu a sawm bawk.

He Meeting-ah hian PWD kawng enkawl siam\hat mek leh hmalak dan tur sawiho a ni a. Chief Engineer-Roads, Highways leh Buildings ten an hnuaia hnathawh leh thawh tura hmachhawp te tarlangin, sawihona neih zui a ni bawk.