Sailulak khuaah Education Campaign neih a ni

Niminpiah khan Sailulak khuaah Education Campaign buatsaih a ni a, zirna lama khawtlang in hma a sawn theih nana tha nia hriat hrang hrangte sawihona leh zirlai naupangte fuihna hun hman niin Serchhip DEO, Lawmawma chu khuallian a ni.

Sailulak VCP, MS. Dawnga kaihhruai he hunah hian DEO chuan khawtlang nu leh pate chu zirlaite tana khawtlang boruak nuam, zirna ngaihhlutna khuaah siam tum turin a chah a. Sailulak chu hman a\ang tawha zirtirtu \hate zara mithiam tam tak chherchhuak tawh \hin khua an nihna vawng nung zel turin a chah a. Zirlai kalkhawm te pawh zirna aia hlawhtllinna min thlen hma thei thildang a awm chuan loh thu hrilhin, an zirlaite chu tuichilh tlat tum turin a chah bawk a. Zuk leh hmuam lama inthiarfihlim a \ul zia sawiin, COTPA in a phut anga naupang kum 18 hnuailam te hnena vaihlo leh a kaihhnawih thil hralh khap a nih thu hriaa, a taka zawm ngei turin khawtlang nu leh pa leh hruaitute a ngen a. Zirtirtute chu naupangte tana entawntlak ni tura chahin, ruihtheih thil-a fihlim tur leh School kal \halo leh duty \ha lo te chu a thawk \ha te nen hlawh inang reng an lak bawk si avangin thawhhona a chhiat phah thei tih a sawi bawk.

He hunah hian Ramdinthara Sailo, Teacher, Government Middle School chuan Sailulak-a zirna In hrang hrangte leh zirlaite dinhmun te report na a pe bawk a ni.