CIJW Vairengte-ah a vawi khat nan Hmeichhia training

Kolasib District Vairengte-a Counter Insurgency and Jungle Warfare (CIJW) School-ah a vawi khat nan Indian Army hmeichhe Officer paruk (6) ten Training an nei.

CIJW hotute sawi danin Indian Army-a hmeichhe Officer paruk te hian Low Intensity Conflict Operations (LICO) Course-ah training an nei mek a, thla hmasa April ni 30 khan training hi an nei tan a ni. Low Intensity Conflict Operations (LICO) hi kumin ah ramdang atangin training hrang hrang neih a lo ni tawh a. India thian tha Bangladesh, Bhutan, France, Malaysia, Nepal leh Sri Lanka ten he hmunah hian sipai nunchan an lo zir tawh a. He Training-ah hian taksa hriselna leh insawizawina, Silai kah, Firfiakte hmachhawn dan, Ral rel dan leh hmun harsaa dam khawchhuah dan te an zir dawn a ni. 

Vairengte-a CIJW School hi khawvela sipai nunchan zirna hmun tha ber pawla ngaih niin India ram hmu dang ah sipai training School engemaw zat awm mah se, Mizoram-a CIJW School-ah hian khawvel ram dangten helna leh firfiakte do dan an rawn zir thin a. CIJW Vairengte hotute sawi danin Sipai nunchan an zir hi thil pawimawh tak leh tangkai tak niin training an neih chhung hian thiamna hrang hrang an zirchhuak dawn a, suahsualna hrang hrang sipaiin an doletna kawngah leh buaina hmehmih dan kimchang takin an zir dawn a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man