Congress chu bukin a awm a, a tlingzo ta lo a, a hun a tawp hnai ta - Zoramthanga

MNF President, Zoramthanga chuan Congress chu bukin a awm a, a tling zo ta lo a, an hun a tawp ta niin a sawi.

Aizawl East-I MNF Block huaihawta nimin a Zemabawk-a mithar lawmluhna hun buatsaih ah MNF President, Zoramthanga chuan thu sawiin, “Mizoram pumah kawng a chhe em em vek a, mipui sum thawhkhawm a hnatlang thaa kawng siamtute chu Congress President chuan ‘Elhsen hnatlang’ a ti hi keini chuan mak kan ti hle a ni,” a ti a, kum 10 Congress sorkar chhunga an thil tih zawng zawngte chu Zoram mipuiin an thlir a, mipui chuan chin thar neiin; Congress-a luh aiin MNF-a luh an ching thar tawh tih sawiin, “Congress chu bukin a awm a, a tlingzo ta lo a, a hun a tawp hnai ta a ni,” a ti a. “Delhi lamah an tla sisep tawh a, India ram State 29 awmah inthlan thar apiangin an tla zel a, Punjab-ah chauh an sorkar ve \awk a. Kan hmalawka State inthlang turah pawh an tla zel ang. State \henkhatah chuan anmahni in an sorkar a tlu tawp tawp bawk a. India ramah bukin an awm a, an tla zel a, sorkar ngaihna a awm tawh lo. A hma khan Central-ah Congress pawh tlak chang an nei, mahse kha tih hun lai kha chuan MP tam tak neiin, State tam takah an sorkar a, tunah chuan khang a chi kui tiahna tur 'nursery' kha an nei tawh lo. Thil chik mite chuan India ramah hian kum 20/30 chhung chu Congress hi a mal chuan an dinchhuah leh an ring tawh lo, Mizoram-ah pawh tlin leh tumin hma an la tawh lo a, development leh kawng chhia pawh ngaihtuah lovin, a theih dan danin mipui sum an inchuh a, an mikhual hawng tur chawhmeh pir tawk a ni,” a ti bawk.

MNF President chuan Pathian leh mipui zara an sorkar hunah chuan an sorkar hmasa a Link Road an laihte kha chhunzawmin an lai thlur seng sung dawn tih a sawi a. “Kan SEDP hmangin chhungtin ten eizawnna ngelnghet, chhe thei tawh lo tur an neihna turin chhungtin in cheng nuai thum aia tlemlo an mamawh vek ang tih kan hria a, hma kan la dawn a ni,” tiin mipui thar chhuahte thlai hralhna kawngah harsatna a awm lovang tih a sawi a. “Pawisa-ah harsatna a awm lo ang a, kan budget hi chu a 'chi' atan chauh kan hmang ang. Zoram malsawmna khur pui hai chhuakin kan sorkar a\anga kum 5 hnuah chuan chhungtin kum khata sum lakluh pawh cheng nuai 5 a\anga cheng nuai 10 a ni deuh vek ang,” a ti bawk.