Zofate Duhlian tawng hmanga inbe thei deuh vek kan ni hi kan vanneihna a ni - Chief Minister

Chief Minister, Lal Thanhawla chuan Zofate Duhlian \awng hmanga inbe thei deuh vek kan ni chu kan vanneihna a nih thu a sawi.

Mizoram University-a Department of Mizo leh National Mission For Manuscripts, IGNA, New Delhi te \angkawpin an buatsaih 'Three Day National Seminar on Writing in Mizo Manuscripts' hawnna nimin a Synod Conference Centre, Aizawl a neih a hmanpuina ah he thu hi sawiin Chief Minister chuan Zofate chu Kumpinu Policy, 'Awpbet la, \hendarh rawh' tih tuar nasa ber te zing ami ni mah ila Duhlian \awng hmanga inbe thei deuh vek kan ni chu kan vanneihna a nih thu a sawi a. Myanmar, Bangladesh leh India hmarchhak state pathum - Assam, Manipur leh Tripura-a Zofate zawng zawng hian Duhlian \awng hi kan hrethiam deuh vek tih a hriat thu leh min phuarkhawmtu a nih thu sawiin, "Hei hi kan chakna leh inpumkhatna atan \angkai taka hman a nih theih nan thuziakmite an pawimawh hle a ni," a ti. Mizo \awng vawnhim zel pawimawhna a rilruah a vei \hin thu pawh sawiin, Duhlian \awng dik taka vawnhim zel a nih theihna tur leh \hangthar ten Duhlian \awng, Mizo \awng tia hriat bawk, an tihchhiat mek te siam\hat a nih theihna turin a hun leh hmun remchang a piangah theihtawpa \hahnem ngaihna thu a lo sawi ve \hin thu a sawi bawk.

Chief Minister chuan Mizo \awnga ziak taima tak tak, thudiklo ziah ching an awm erawh chu pawi thei tih thu sawiin, \hangthar ten Mizo History dik tak an hriat theihnan, thudik dinchhuah puia thuziakmite rawn penchhuak turin a chah a. Tun \uma programme buatsaih ang chi chu sorkar in a phurpui zawng tak leh a remchan dan anga telve a duhna programme a nih thu Chief Minister chuan a sawi a, a zawngchhang thlak thu sawiin, buatsaih a nih leh dawn chuan huapzo leh darh zau zawka Zofate hmun hrang hranga awm te hriat ve theih tura hriattirna chhuah leh an tel ve theihna hun pawh siamsak a tha hle ang, a ti. Nakin lawka Eminent writer leh Historian la ni tur te tan chuan he Seminar hi hmaih phal chi a ni lo tih a sawi a. 8th Schedule-a Mizo \awng telh turin hman ata tawh tun thlengin sorkarin hma a lak mek thu leh theihtawp chhuaha nawr zel a tum thu a sawi a. National language zinga Mizo \awng telh chu thil tihmakmawh ham\hatna tam tak thlentu tur a nih bakah Mizote zahawmna ti pungtu tur, Mizo hnam chawisanna kawnga thil pawimawh leh hnam anga mite hriat hlawh lehzualna tur a nih thu a sawi bawk.