Lunglei-ah Bank te hmalakna thlirho a ni

Nimin khan Lunglei-a Bank hrang hrangte hmalakna thlirin DCC/DLRC/DLSC thutkhawm neih a ni a, tun dinhmunah Lunglei District-ah Bank 8- State Bank of India, IDBI, HDFC Bank, Axis Bank, Canara Bank, Apex Bank, Punjab National Bank leh Mizoram Rural Bank- te an awm mek a ni. Nimin-a thutkhawm ah hian Bank Security chungchanga hriattur pawimawh- CCTV Maintenance, Bank related Cyber Crime, Impersonation, Fake Currency chungchang te tarlan niin Police te chu Security thilah Bank te puibawm turin an inpeih reng thu leh harsatna an tawh chuan Police hnena hriattir vat thin turin ngen an ni bawk. Quarter hnuhnung bera an hmalakna tarlan zingah Lunglei District chhungah Financial Literacy campaign vawi 5 neih a nih thu telin, kum 2023-2024 chhunga Lunglei District CR ratio chu 68.96 a nih thu pawh tarlan a ni bawk. He thutkhawm ah hian Lunglei DC Ramdinliani chuan Banker te chu mipui  rawngbawl an ni tih hre reng tur leh mipuiten Bank kaltlang hamthatna scheme te chiang taka an hriat theihna’n Financial Literacy Campaign pawh uar zual sauh turin a chah bawk.